يندۋستريا ءمينيسترى قىتايلىق اۋىر تەحنيكا ءوندىرۋشى ءىرى كومپانيامەن سەرىكتەستىك ورناتۋعا كەلىستى
ق ر يندۋستريا جانە ينفراقۇرىلىمدىق دامۋ مينيسترلىگى باسپا ءسوز قىزمەتىنىڭ حابارلاۋىنشا، مينيستر جەل تۋربينالارىنا ارنالعان ارنايى قۇرىلعىلار شىعاراتىن زاۋىتتا بولدى.
وسى رەتتە SANY Renewable Energy Co Ltd كومپانياسى ءارتۇرلى قۋاتتىلىقتاعى جەل تۋربينالارىن ءوندىرۋ بويىنشا الەمدىك كوشباسشىلاردىڭ ءبىرى ەكەنىن ايتا كەتكەن ورىندى. سونداي-اق بۇل كومپانيا اۆتوجولداردا پايدالانىلاتىن ارنايى تەحنيكا، كوپ توننالىق كراندار، بۇرعىلاۋ تەحنيكاسى جانە باسقا دا اۋىر تەحنيكانىڭ ءىرى الەمدىك ءوندىرۋشىسى رەتىندە بەلگىلى.
كومپانيانىڭ پرەزيدەنتى جانە ونىڭ تەڭ قۇرىلتايشىسى جوۋ فۋگۋي مىرزا جۇمىستىڭ بارىسىمەن تانىستىرىپ، زاۋىتتاعى ءوندىرىس پروتسەسى تۋرالى ايتىپ بەردى.
ەستەرىڭىزگە سالا كەتەيىك، بيىل مامىر ايىندا مەملەكەت باسشىسىنىڭ شيان قالاسىنا ساپارى بارىسىندا SANY Renewable Energy Co Ltd كومپانياسى، سونداي-اق ق ر ەنەرگەتيكا مينيسترلىگى، «سامۇرىق- قازىنا» ا ق، China Power International Holding جامبىل وبلىسىندا قۋاتى 1 گ ۆ ت بولاتىن جەل ەلەكتر ستانسياسىنىڭ قۇرىلىسى تۋرالى ءتورت جاقتى مەموراندۋمعا قول قويعان بولاتىن.
كەزدەسۋدىڭ قورىتىندىسى بويىنشا تاراپتار ىنتىماقتاستىق ورناتىپ، سەرىكتەستىكتى ودان ءارى دامىتۋ تۋرالى كەلىستى. سونىمەن بىرگە قازاقستان اۋماعىندا ارنايى تەحنيكا ءوندىرىسىن جانداندىرۋ مۇمكىندىكتەرى دە تالقىلاندى.
