الماتى جولدارى جاڭا تەحنولوگيامەن جوندەلىپ جاتىر

الماتى. قازاقپارات- الماتىدا اۆتوجولدارعا اۋقىمدى جوندەۋ جۇمىستارى جۇرگىزىلۋدە. جوندەۋ ساپاسىن جاقسارتۋ جانە قىزمەت ەتۋ مەرزىمىن ۇزارتۋ ءۇشىن جاڭا تەحنولوگيا قولدانىلۋدا، دەپ حابارلايدى قازاقپارات ءتىلشىسى.

اكىمدىك تاراتقان اقپاراتقا سايكەس، قالانىڭ ماگيسترالدى كوشەلەرى پوليمەرلى بيتۋمداعى جاڭا اسفالتبەتون قوسپاسىن پايدالانىپ جوندەلۋدە. جاڭا ماتەريال بەرىك جانە جولداردا ويىقتاردىڭ پايدا بولۋىنا جول بەرمەيدى.

«يندورتەح» عىلىمي- زەرتتەۋ جانە ءبىلىم بەرۋ ورتالىعىنىڭ زەرتتەۋ جانە جاڭا تەحنولوگيالار دەپارتامەنتىنىڭ ديرەكتورى عاليا ىسمايىلوۆانىڭ ايتۋىنشا، بيتۋمنىڭ ساپاسى جىلدان جىلعا ناشارلاي تۇسۋدە. بۇل ءۇردىس تەك قازاقستاندا عانا ەمەس، بۇكىل الەمدە. اسفالتبەتونداعى بيتۋم فۋنكسياسىن جەلىممەن سالىستىرۋعا بولادى. سوندىقتان الماتىدا جابىسقاق قاسيەتتەرىن جاقسارتۋ ءۇشىن پيلوتتىق فورماتتا اسفالتبەتون قۇرامىنداعى پوليمەرلەر قولدانىلا باستادى.

ساراپشىنىڭ سوزىنشە، اپتاپ ىستىقتا الماتىداعى اسفالتبەتون 60-63 گرادۋسقا دەيىن قىزادى، ال بيتۋم 47-50 گرادۋس تەمپەراتۋرادا جۇمسارادى.

«جاڭا پوليمەر ءادىسى قالانىڭ 15 ماگيسترالدى كوشەسىندە ءال- فارابي، تىلەنديەۆ، بايزاقوۆ، اباي، تۇرعۇت وزال، ساين، تولە بي، شالياپين، ماناس، قالداياقوۆ، قۇرمانعازى، جۇماليەۆ، شاگابۋتدينوۆ، دوسمۇحامەدوۆ، تۇركەبايەۆ قولدانىلدى.

«جالپى ۇزىندىعى 44 ك م بولاتىن بۇل ماگيسترالدى كوشەلەر 2008 -جىلدان 2015 -جىلعا دەيىن جوندەلدى. جالپى ۇلتتىق رەگلامەنتكە سايكەس الماتى قالاسىنىڭ (IV) جول- كليماتتىق ايماعىن ەسكەرە وتىرىپ، ورتاشا جوندەۋدىڭ جوندەۋ ارالىق قىزمەت مەرزىمى 5 جىلدى قۇرايدى. سونىمەن قاتار، جاڭا ءادىستىڭ ارقاسىندا توزۋعا توزىمدىلىكتىڭ ارتۋى كۇتىلۋدە 8-10 جىلعا دەيىن ارتتىرۋعا مۇمكىندىك بەرەدى»، - دەيدى ساراپشى.

ايتۋىنشا، پوليمەراسفالتبەتوندى قالالىق جىلدامدىقتى جانە ماگيسترالدىق كوشەلەردە جابىننىڭ جوعارعى جانە تومەنگى قاباتتارىندا قولدانۋ كەرەك. قوسپانى تىعىزداۋ قازىرگى زامانعى تالاپتارعا سايكەس كەلەتىن، اسىرەسە جولاۋشىلار كولىگى كوپ جۇرەتىن ۋچاسكەلەردە جول جابىنىنىڭ جەتكىلىكتى جوعارى سيپاتتامالارىن قامتاماسىز ەتۋگە مۇمكىندىك بەرەدى.

باسقاشا ايتقاندا، پوليمەر ماگيسترالدىق كوشەلەردە قوزعالىس قارقىندىلىعىنا بايلانىستى قولدانىلادى.

BASF نەمىس كونتسەرنىنىڭ اسفالتبەتون جانە بيتۋم باعىتىنىڭ ديرەكتورى ماريو ساندور پوليمەردىڭ كەمشىلىكتەرى دەپ اتالاتىنداردىڭ اراسىندا جوندەۋگە بايلانىستى قالانىڭ ءىرى «ارتەريالارىن» ۇزاق مەرزىمگە جابۋ ەكەنىن ايتتى. اسفالت توسەۋ جىلدىڭ ىستىق كەزەڭىندە جاسالاتىنىن ەسكەرە وتىرىپ، پوليمەرلى قوسپالار ءۇشىن بەرىكتىك جيناۋ ۋاقىتى ورتا ەسەپپەن 36 ساعاتتى قۇرايدى.

«مۇنىڭ ءوز قاجەتتىلىگى بار. ەۋروپالىق تاجىريبە كورسەتكەندەي: اسفالتبەتون جابىنى تۇراقتى جانە جاقسى ناتيجە كورسەتۋى ءۇشىن جول بويىنداعى كولىك قوزعالىسىن جابۋ قاجەت. سودان كەيىن اسفالتبەتون جابىنى قاسيەتتەرىن بەكىتۋ ءۇشىن سالقىنداتىلادى. ءبىز، ارينە، جولدى ەرتەرەك اشىپ، وعان كولىك جۇرگىزە الامىز، ءبىراق سودان كەيىن اسفالتتىڭ ۇزاق مەرزىمدى قىزمەتى ءۇشىن قاجەت قاسيەتتەر ساقتالمايدى»، - دەپ تۇسىندىرەدى ماريو ساندور.

سونىمەن، پوليمەر اسفالتبەتون توسەۋ كەزىندە ونىڭ تەمپەراتۋراسى 150-160 گرادۋس. تىعىزداعاننان كەيىن قوسپاسى 130-140 گرادۋسقا دەيىن سالقىنداتىلادى. قاجەتتى بەرىكتىككە جەتۋ ءۇشىن قوسپانى 40 گرادۋسقا دەيىن سالقىنداتۋ كەرەك.

الماتى اكىمدىگى ازاماتتاردان جولدارداعى ءماجبۇرلى ۋاقىتشا شەكتەۋلەرگە تۇسىنىستىكپەن قاراۋدى سۇرايدى.

اۆتور:

الما مۇقانوۆا