09:16, 08 - شىلدە 2023 | GMT +5
قازاقستانعا رەسەيدەن جولبارىس كۇشىكتەرىن زاڭسىز اكەلمەك بولعان
استراحان. قازاقپارات - رەسەي كەدەنشىلەرى ءۇش ايلىق جولبارىس پەن ارىستان كۇشىكتەرىن قازاقستانعا زاڭسىز اكەتۋگە جول بەرمەدى، دەپ حابارلايدى قازاقپارات.
اڭ كۇشىكتەرىن استراحان وبلىسىنداعى «قاراوزەك» وتكىزۋ بەكەتىندە جولاۋشىلار كولىگىن تەكسەرۋ كەزىندە بايقاپ قالعان. 60 جاستاعى كولىك جۇرگىزۋشىسى ولاردى كولىكتىڭ ارتقى ورىندىعىنداعى پلاستيك تاسىمالداعىشپەن الىپ شىقپاق بولىپتى.
ونىڭ رۇقسات قۇجاتتارى بولماعان. كۇشىكتەردى شەشەنستان رەسپۋبليكاسىنان ساتىپ الىپ، قازاقستاندىق جەكە حايۋاناتتار باعىنا ساتۋدى جوسپارلاعان.
«جانۋارلار تاركىلەنىپ، قولايلى جەردە ۋاقىتشا ۇستاۋعا بەرىلەدى. كونتراباندا فاكتىسى بويىنشا قىلمىستىق ءىس قوزعاۋ ماسەلەسى شەشىلىپ جاتىر»، - دەپ حابارلادى ر ف فەدەرالدى كەدەن قىزمەتى.
