جامبىل وبلىسىنىڭ اكىمى «قازاقستان بارىسى» عالىمجان قىرىقبايعا پاتەر كىلتىن تابىستادى

تاراز. قازاقپارات - جامبىل وبلىسىنىڭ اكىمى قازاقستان بارىسى عالىمجان قىرىقبايعا پاتەر كىلتىن تابىستادى، دەپ حابارلايدى قازاقپارات ايماق اكىمدىگىنە سىلتەمە جاساپ.

تارازدا استانا كۇنىنە وراي اشىق اسپان استىندا «ەڭسەلى ەلوردام» اتتى مەرەكەلىك شارا ءوتتى.

سالتاناتتى شارادا باس قالانىڭ جەتىستىگى، وتكەنى مەن بۇگىنى تۋرالى بەينە- روليك كورسەتىلىپ، بەلگىلەنگەن جەرلەردە سپورت شارالارى ۇيىمداستىرىلدى.

جامبىل وبلىسىنىڭ اكىمى نۇرجان نۇرجىگىتوۆ جينالعانداردى ەلوردانىڭ 52 جىلدىعىمەن قۇتتىقتادى.

نۇرجان نۇرجىگىتوۆ ءوز سوزىندە جۋىردا عانا وتكەن رەسپۋبليكالىق «قازاقستان بارىسى» تۋرنيرىندە جەڭىمپاز اتانىپ، جەرلەستەرىنىڭ مەرەيىن اسىرعان عالىمجان قىرىقبايدىڭ جەتىستىگىن ايرىقشا اتاپ ءوتتى.

41 بالۋاننىڭ ىشىنەن ۇزدىك شىعىپ، ەلىمىزدىڭ باس بالۋانى اتانعان سپورتشىعا تاراز قالاسىنان 2 بولمەلى پاتەردىڭ كىلتىن تابىستاپ، ماراپاتتادى.

ال ونىڭ جاتتىقتىرۋشىسى باحتيار اقبەرگەنوۆكە 2 ميلليون تەڭگەنىڭ سەرتيفيكاتىن تاپسىردى.

ەسكە سالا كەتەيىك، استانادا وتكەن «قازاقستان بارىسى» تۋرنيرىندە عالىمجان قىرىقباي باس جۇلدەنى جەڭىپ العان ەدى.