قاي بانكتە قازاقستاندىقتاردىڭ قارىزى كوبىرەك
نەسيە - كوپتەگەن قازاقستاندىق ءۇشىن ىڭعايلى قارجىلىق قۇرال. نەسيە الا وتىرىپ ازامات كەز كەلگەن قاراجاتى جەتپەگەن تاۋاردى ساتىپ الا الادى، ءبىراق كەيىن كەيبىر قارىز الۋشىلار ءوز مىندەتتەمەلەرىنە جاۋاپكەرشىلىكپەن قاراماي، تولەمدەرىن كەشىكتىرە باستايدى.
ساراپشىلاردىڭ اقپاراتىنشا، بيىلعى جىلدىڭ 1-ماۋسىمىندا بارلىق قازاقستاندىق ەكىنشى دەڭگەيلى بانكتەگى (ە د ب) 90 كۇننەن استام مەرزىمى وتكەن نەسيەلەردىڭ ۇلەسى جيىنتىق نەسيە پورتفەلىنىڭ 3,63 پايىزىن قۇراعان. اقشامەن ساناعاندا بۇل 25,5 تريلليون تەڭگەنىڭ ىشىندە شامامەن 927 ميلليارد تەڭگە.
دەگەنمەن كەيبىر بانكتەردەگى تولەمدى وتەۋ مەرزىمىن كەشىكتىرگەندەردىڭ ۇلەسى سەكتورداعى ورتاشا كورسەتكىشتەن ايتارلىقتاي جوعارى. بۇل 21 ە د ب-نىڭ ىشىندە بىردەن 9 ەكىنشى دەڭگەيلى بانكىندە بايقالادى. ەڭ جوعارى NPL90+ (90 كۇننەن استام تولەم مەرزىمى كەشىكتىرىلگەن نەسيە) 2023 -جىلعى 1-ماۋسىمداعى جاعداي بويىنشا Jusan Bank-تە بايقالعان جانە ول 10,23 پايىزدى قۇرادى.
ايتا كەتەلىك، سوڭعى ءبىر ايدا بۇل كورسەتكىش ايتارلىقتاي جاقسارعان. ءالى سوناۋ ءساۋىر ايىندا تولەم مەرزىمى ءوتىپ كەتكەن نەسيە ۇلەسى 11,1 پايىز دەڭگەيىندە بولعان ەدى.
باسقاشا ايتقاندا، بانك ءوزىنىڭ نەسيە پورتفەلىنىڭ ساپاسىن جوعارىلاتۋدا. تولەم مەرزىمى كەشىكتىرىلگەن نەسيەنىڭ ۇلەسى بويىنشا ەكىنشى ورىندى يەلەنگەن «ۆ ت ب قازاقستان» بانكى - 9,65 پايىزدى قۇرادى، ال ءۇشىنشى ورىندا Bereke bank - 7,92 پايىزدى قۇرايدى.
ايتا كەتەيىك، ول سونىمەن قاتار نەسيە پورتفەلىن جاقسارتىپ، NPL90+ كورسەتكىشىن تومەندەتكەن بولاتىن.
مىناداي ەكىنشى دەڭگەيلى بانكتەردىڭ NPL ۇلەسى جوعارى: ەۋرازيالىق بانك - 6,09 پايىز؛ نۇربانك - 5,87 پايىز؛ Kaspi - 5,53 پايىز؛ زامان- بانك ي ب - 5,26 پايىز؛ Fortebank - 5,01 پايىز؛ حوۋم كرەديت بانكى - 4,92 پايىز؛ Bank RBK - 3,68 پايىز.
ساراپشىلاردىڭ اقپاراتىنشا، جىل باسىندا تولەم مەرزىمى كەشىكتىرىلگەن جاعدايلاردىڭ ۇلەسى بارلىق قازاقستاندىق ەكىنشى دەڭگەيلى بانكتىڭ جالپى نەسيە پورتفەلىنىڭ شامامەن 37,46 پايىزىن قۇراعان. 1-ماۋسىمدا بۇل كورسەتكىش 41,64 پايىزعا دەيىن وسكەن.
وسىعان ۇقساس ءوسىم بۇل بانكتەردىڭ اكتيۆتەرىنىڭ ۇلەسىندە دە بايقالادى - التى ايدا ول 36,16 پايىزدان 40,20 پايىزعا دەيىن ءوستى.
سونىمەن قاتار بۇل بانكتەر بويىنشا ورتاشا NPL كورسەتكىشى التى ايدا 6,55 پايىزدان 6,42 پايىزعا دەيىن تومەندەگەن، ال ەڭ جوعارى جانە ورتاشا بانكتىك NPL كورسەتكىشتەرى 8,11 پايىزدان 6,60 پايىزعا دەيىن تومەندەگەن.
