ەلىمىزدە استانا ەسىمدى قانشا ادام بار

استانا. قازاقپارات - بۇگىن، 6-شىلدە - استانا كۇنى. وسىعان بايلانىستى قازاقپارات ۇلتتىق ستاتيستيكا بيۋروسىنا سىلتەمە جاساي وتىرىپ، ەلىمىزدە ەلوردامەن اتتاس ازامات بار ەكەنىن انىقتادى.

ۇلتتىق ستاتيستيكا بيۋروسىنىڭ مالىمەتىنشە، ەلىمىزدە ەلوردامىز - استانامەن اتتاس 26 ازامات تۇرادى ەكەن. سونىمەن قاتار 31 قازاقستاندىقتىڭ ەسىمى بايتەرەك بولسا، ءتورت ازاماتتىڭ اتى - اقوردا. بيۋرونىڭ دەرەگىنشە، ەلىمىزدە سونداي-اق بەيبىتشىلىك ەسىمدى ءۇش ادام تۇرادى. ەسكە سالا كەتەيىك، استانا كۇنى 6 شىلدە، بەيسەنبىگە سايكەس كەلىپ تۇر.

«ەلەكتروندىق ۇكىمەت» پورتالىندا جاريالانعان مەرەكە جانە دەمالىس كۇندەرىنىڭ كۇنتىزبەسىنە سايكەس، دەمالىس كۇنى 1-شىلدە سەنبىدەن 7-شىلدە جۇماعا اۋىستىرىلعانى تۋرالى جازعان ەدىك. وسىلايشا سەنبى، 1-شىلدە جۇمىس كۇنى بولسا، ودان كەيىن ەل تۇرعىندارى ءتورت كۇن قاتارىنان - 6-9-شىلدە ارالىعىندا دەمالادى.

سونداي-اق قازاقستان بويىنشا استانا كۇنىنە وراي ءبىرقاتار ءىس-شارا ۇيىمداستىرىلۋدا.