بۇگىن كەي ايماقتا كۇن قاتتى ىستىق بولادى
«ءالى دە سيكلون جانە ونىمەن بايلانىستى اتموسفەرالىق فرونتالدى بولىكتەر قازاقستاننىڭ باسىم بولىگىندەگى اۋا رايىن انىقتايدى، ەلىمىزدىڭ شىعىسىندا، وڭتۇستىك- شىعىسىندا نايزاعايمەن بىرگە جاڭبىر جاۋىپ، بۇرشاق جانە داۋىل كۇتىلەدى. رەسپۋبليكا بويىنشا جەل كۇشەيىپ، وڭتۇستىكتە شاڭدى داۋىل سوعادى»، - دەپ جازدى سينوپتيكتەر.
باتىس قازاقستان، اتىراۋ، اقتوبە وبلىستارىنىڭ باسىم بولىگىندە، ماڭعىستاۋ، قوستاناي وبلىستارىنىڭ وڭتۇستىگىندە قاتتى ىستىق كۇتىلەدى.
جامبىل، قىزىلوردا، تۇركىستان، ماڭعىستاۋ وبلىستارىنىڭ باسىم بولىگىندە، ۇلىتاۋ، قوستاناي، اقتوبە، قاراعاندى وبلىستارىنىڭ وڭتۇستىگىندە، اتىراۋ وبلىسىنىڭ باتىسىندا، جەتىسۋ وبلىسىنىڭ سولتۇستىك- باتىسىندا، پاۆلودار وبلىسىنىڭ سولتۇستىگىندە، باتىسىندا توتەنشە ءورت قاۋپى ساقتالادى.
جەتىسۋ، الماتى، سولتۇستىك قازاقستان وبلىستارىنىڭ باسىم بولىگىندە، اباي وبلىسىنىڭ سولتۇستىك- باتىسىندا، وڭتۇستىگىندە، اقمولا وبلىسىنىڭ سولتۇستىگىندە، باتىس قازاقستان وبلىسىنىڭ وڭتۇستىك جارتىسىندا، شىعىس قازاقستان وبلىسىنىڭ باتىسىندا، وڭتۇستىگىندە، شىعىسىندا جوعارى ءورت قاۋپى ساقتالادى.
