ەكى جىل بۇرىنعى اپاتتان ساباق الۋعا بولاتىن ەدى - سمايىلوۆ اتىراۋ م ءو ز- گە باردى
ۇكىمەتتىك توپ حوش ءيىستى كومىرسۋتەكتەردى ءوندىرۋ جانە مۇنايدى تەرەڭ وڭدەۋ كەشەنىن ارالاپ كوردى.
وسى جەردە زاۋىتتىڭ باس ديرەكتورى مۇرات دوسمۇراتوۆ م ا ە ك- تەگى اپاتتان كەيىن توقتاپ قالعان اتىراۋ مۇناي وڭدەۋ زاۋىتىندا ءوندىرىستى تولىق قۋاتىنا شىعارۋ بويىنشا قابىلدانىپ جاتقان شارالار تۋرالى بايانداما جاسادى.
سونداي- اق ول قازىرگى تاڭدا جەكە گاز تۋربينالىق ەلەكتر ستانساسىن سالۋ جوباسى ازىرلەنىپ جاتقانىن جەتكىزدى.
پرەمەر- مينيستر اتىراۋ مۇناي وڭدەۋ زاۋىتى ەل ەكونوميكاسىنىڭ تۇراقتى دامۋىن قامتاماسىز ەتەتىن ماڭىزدى كاسىپورىنداردىڭ ءبىرى ەكەنىن باسا ايتتى.
«3-شىلدەدە بۇكىل زاۋىت اپاتتى جاعدايدا توقتاپ قالدى. وسىعان ۇقساس جاعدايلار ەكى جىل بۇرىن دا ورىن العان. سول كەزدە زاۋىتقا ءوزىنىڭ اۆتونومدى ەنەرگيا كوزى قاجەت ەكەنى تۇسىنىكتى بولدى، سودان ءتيىستى ساباق الۋعا بولاتىن ەدى. ارينە، بۇل تەك اتىراۋ مۇناي وڭدەۋ زاۋىتىنىڭ مىندەتى ەمەس، «قازمۇنايگاز» كومپانياسى دا قاجەتتى جۇمىستاردى اتقارۋى كەرەك ەدى»، — دەدى ءاليحان سمايىلوۆ.
ۇكىمەت باسشىسى اتاپ وتكەندەي، مۇنداي ستراتەگيالىق نىسانداردا تىرشىلىكتى قامتاماسىز ەتۋدىڭ اۆتونومدى ەنەرگيا كوزدەرى مىندەتتى تۇردە بولۋى كەرەك.
ال اتىراۋ مۇناي وڭدەۋ زاۋىتىنا كەلسەك، ءاليحان سمايىلوۆ جەكە گاز تۋربينالى ەلەكتر ستانساسىن ىسكە قوسۋ جوباسىن جۇزەگە اسىرۋدى جەدەلدەتۋدى تالاپ ەتتى.
«زاۋىت - ستراتەگيالىق ماڭىزى بار نىسان، ول سىرتتان جەتكىزىلەتىن ەلەكتر ەنەرگياسىنا تاۋەلدى بولماۋى ءتيىس. ياعني، اپاتتى جاعدايدا توقتاعان مەزەتتە كاسىپورىننىڭ تۇراقتى جۇمىسىن قامتاماسىز ەتەتىن جەكە قوسالقى ستانسا ىسكە قوسىلۋى كەرەك. بۇل جوبانى 2028 -جىلعا دەيىن سوزباي، الداعى 2-3 -جىلدا جۇزەگە اسىرۋ كەرەك. ءبىز بۇل ۇدەرىستى جەدەلدەتۋىمىز كەرەك»، — دەدى پرەمەر- مينيستر ق م گ مەن ءا م و ز باسشىلارىنا قاراتا سويلەگەن سوزىندە.
توتەنشە جاعدايعا قاراماستان زاۋىتتان مۇناي ونىمدەرىن جونەلتۋ توقتاماعان.
