مەملەكەت كەپىلدىك بەرگەن تەگىن زاڭگەر كومەگىن كىمدەر پايدالانا الادى
بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز ءماسليحاتىندا قالالىق ادىلەت دەپارتامەنتى باسشىسىنىڭ ورىنباسارى قانات بازاربايەۆ ايتتى، دەپ حابارلايدى قازاقپارات ءتىلشىسى.
«كەپىلدەندىرىلگەن مەملەكەتتىك زاڭ كومەگى جانە ازاماتتارعا كەشەندى الەۋمەتتىك زاڭ كومەگىن كورسەتۋ - ادىلەت ورگاندارىنىڭ ماڭىزدى باعىتتارىنىڭ ءبىرى. قازاقستان رەسپۋبليكاسىنىڭ ءاربىر ازاماتى ازاماتتىق، اكىمشىلىك جانە قىلمىستىق پروتسەستەر شەڭبەرىندە بىلىكتى زاڭ كومەگىن الۋعا اجىراماس قۇقىققا يە. مەملەكەت قازاقستان ازاماتتارىنا ادىلدىك پەن زاڭ الدىنداعى تەڭدىك قاعيداتتارى نەگىزىندە بۇل قولداۋعا كەپىلدىك بەرەدى»، - دەدى الماتى قالاسى ادىلەت دەپارتامەنتى باسشىسىنىڭ ورىنباسارى قانات بازاربايەۆ.
ونىڭ ايتۋىنشا، مەملەكەت كەپىلدىك بەرگەن زاڭ كومەگىن ادۆوكاتتار، نوتاريۋستار جانە جەكە سوت ورىنداۋشىلارى اليمەنت، زەينەتاقى مەن جاردەماقى ءوندىرىپ الۋ، وڭالتۋ، بوسقىن نەمەسە قانداس مارتەبەسىن الۋ، اتا- اناسىنىڭ قامقورلىعىنسىز قالعان كامەلەتكە تولماعاندارعا، جىنىستىق زورلىق- زومبىلىق قۇرباندارىنا، ادام ساۋداسىنا، ەڭبەكپەن بايلانىستى دەنساۋلىعىنا كەلتىرىلگەن زياننىڭ نەمەسە قىلمىستىق قۇقىق بۇزۋشىلىقتىڭ سالدارىنان كەلتىرىلگەن زياندى وتەۋ ماسەلەلەرى بويىنشا تەگىن كورسەتەدى. ۇلى وتان سوعىسىنا قاتىسقاندارعا، سونداي- اق ۇلى وتان سوعىسىنا قاتىسقاندارعا جەڭىلدىكتەرگە تەڭەستىرىلگەن ادامدارعا، سونداي- اق باسقا مەملەكەتتەردىڭ اۋماعىنداعى سوعىس قيمىلدارىنا قاتىسقاندارعا، اسكەري قىزمەتشىلەرگە، ءبىرىنشى جانە ەكىنشى توپتاعى مۇگەدەكتەرگە، جاسى بويىنشا زەينەتكەرلەر، كاسىپكەرلىك قىزمەتپەن بايلانىستى ەمەس ماسەلەلەر بويىنشا، كاسىپكەرلىك قىزمەتپەن بايلانىستى ەمەس ماسەلەلەر بويىنشا كوپبالالى وتباسىلار، از قامتىلعان تۇلعالارعا دا كورسەتىلەدى.
«جوعارىدا اتالعان بارلىق ازامات تۇرعىلىقتى جەرى مەن ورنالاسقان جەرىنە قاراماستان قازاقستان رەسپۋبليكاسىنىڭ اۋماعىندا مەملەكەت كەپىلدىك بەرگەن زاڭ كومەگىن الۋعا قۇقىلى. مەملەكەت كەپىلدىك بەرگەن زاڭ كومەگىنە مۇقتاج ادامنىڭ مۇددەسى ءۇشىن وسىنداي كومەك كورسەتۋ تۋرالى وتىنىشپەن ونىڭ وكىلى زاڭداردا بەلگىلەنگەن تارتىپپەن جۇگىنە الادى»، - دەپ تولىقتىردى سپيكەر.
ازاماتتىق سوت ءىسىن جۇرگىزۋ شەڭبەرىندە كاسىپكەرلىك قىزمەتكە بايلانىستى داۋلار بويىنشا كەشەندى الەۋمەتتىك زاڭ كومەگى كورسەتىلمەيدى. «ازاماتتار «كەشەندى الەۋمەتتىك زاڭ كومەگى» قىزمەتىن الۋ ءۇشىن الماتى قالاسىنىڭ ادىلەت دەپارتامەنتىنە جۇگىنۋگە قۇقىلى، ونى زاڭ كونسۋلتانتتارى Pro bono تۇرىندە وتەۋسىز نەگىزدە كورسەتەتىن بولادى، بۇل زاڭ قوعامى وكىلدەرىنىڭ اراسىندا حالىقارالىق تاجىريبەدە بار جانە ونىڭ ىشىندە قازاقستان دا بار»، - دەپ تولىقتىردى سپيكەر.
سونىمەن قاتار ول الماتىدا جىل باسىنان بەرى 7753 ازامات جالپى سوماسى 129933066 تەڭگەگە مەملەكەت كەپىلدىك بەرگەن زاڭ كومەگىن العانىن اتاپ ءوتتى. زاڭگەرلىك كەڭەس الۋ ءۇشىن ادىلەت دەپارتامەنتىنە نەمەسە 119 جانە 1414 نومىرىنە حابارلاسۋعا بولادى.
