ا ق ش ساراپشىسى: استاناداعى ۇيلەردىڭ ديزاينىنا مامانداردى تارتۋ كەرەك
ونىڭ پايىمىنشا، ەلورداداعى ۇيلەر ءبىر- بىرىنە ۇقساتىپ سالىنعان. بۇل رەتتە تۇرعىن ءۇي كەشەندەرىنىڭ ديزاينىنا مامانداردى تارتۋ كەرەك دەپ ەسەپتەيدى.
«وسىنداعى پاتەرلەر دە بىردەي كورىندى. تۋريستەر ءۇشىن بۇل كورىنىس ازداپ قىزىقسىز بولادى. شىنىن ايتسام، ا ق ش- تا دا وسىنداي ماسەلە بار. بىزدە دە جاڭا ۇيلەر تاپسىرىلىپ جاتىر جانە ولار ءوزارا ۇقساس. بۇل تۇرعىدا وزگەشە كوزقاراس كەرەك، ياعني ديزاين سالاسىندا مامانداردى جۇمىلدىرعان ءجون بولار»، - دەدى دجوەل ەريكسون.
سونىمەن قاتار ول استانادا ءدامحانالار كوپ ەكەنىن، اعاش وتىرعىزىلعان اۋداندار كوبەيگەنىن ايتتى.
«مەن ءبىلىم بەرۋ سالاسىندا جۇمىس ىستەپ ءجۇرمىن. سوندىقتان قازاقستان استاناسىنداعى ۋنيۆەرسيتەت قالاشىقتارىن ارالاپ شىقپاقپىن»، - دەدى مەيمان.
سونداي- اق دجوەل ەريكسون قازاقستاندا «ياندەكستىڭ» ءوز پلاتفورماسىن دامىتۋ تۋرالى ويىمەن ءبولىستى.
ايتا كەتەيىك، بۇگىن پرەزيدەنت قاسىم- جومارت توقايەۆ ەلوردانىڭ 25 جىلدىق مەرەيتويىنا وراي ۇيىمداستىرىلعان استانانىڭ باۋىرلاس قالالارى فورۋمىنا قاتىستى. ءىس- شاراعا ا ق ش، ۇلى بريتانيا، گەرمانيا، يتاليا، يزرايل، تۇركيا، پولشا، ءۇندىستان رەسەي، قىرعىزستان، وزبەكستان، جاپونيا، ازەربايجان، وڭتۇستىك كورەيا ەلدەرىنەن ماماندار كەلدى.
