قازاقستاندىقتار قانشا ەلگە ۆيزاسىز بارا الادى
قازاقستان ءتولقۇجات كۇشى بويىنشا ەلدەر رەيتينگىندە 97 ەلدىڭ ىشىندە 53-ورىنعا تۇراقتادى. رەيتينگكە ب ۇ ۇ-عا مۇشە 193 ەل مەن 6 اۋماق قاتىستى (بىرنەشە مەملەكەت ءبىر اۋماققا ورنالاستىرىلعان)، دەپ جازادى azattyq-ruhy.kz.
Finprom زەرتتەۋىنشە، قازاقستاننىڭ يندەكسى 91 بولدى (يندەكس نەعۇرلىم جوعارى بولسا، ەلدىڭ ءتولقۇجاتى سوعۇرلىم كۇشتى بولادى).
«قازاقستاندىق ءتولقۇجاتى بار ازاماتتار 39 ەلگە ۆيزاسىز بارا الادى، سونداي-اق تاعى 52 ەلگە بارعان كەزدە ۆيزا الا الادى. ال 107 ەلدە ۆيزا قاجەت بولادى»، - دەيدى ساراپشىلار.
ءاربىر ءتولقۇجاتتىڭ جەكە ساناتىن انىقتاۋ ءۇشىن رەيتينگ ساراپشىلارى ءۇش دەڭگەيلى ءادىستى قولداندى:
. جىلدامدىقتى باعالاۋ (MS) - ۆيزاسىز رەجيم (VF)،كەلگەن كەزدەگى ۆيزا (VOA)،
ەلەكتروندى رۇقسات بەرۋ (eTA) جانە 3 كۇن ىشىندە بەرىلگەن ەلەكتروندى ۆيزانى (eVisa) قامتيدى.
. VOA قارسى VF ۇپايلارى.
. ب ۇ ۇ دامۋ باعدارلاماسىنىڭ ادام الەۋەتىن دامىتۋ يندەكسى (قوسىمشا كريتەري رەتىندە پايدالانىلادى).
الەمدەگى ەڭ مىقتى ءتولقۇجات ب ا ءا ازاماتتارىندا. ولار 125 ەلگە ۆيزاسىز بارا السا، تاعى 55 ەلدە بارعان كەزدە ۆيزا الا الادى، ولاردان تەك 18 ەل ۆيزا تالاپ ەتەدى. رەيتينگتىڭ ورتاسىندا - 45-ورىندا 101 يندەكسى بار تولقۇجاتتارمەن شىعىس تيمور مەن باحرەين ورنالاسقان.
ت م د ەلدەرىنىڭ ىشىندە قازاقستان پاسپورتى ۋكراينا، رەسەي، مولدوۆا جانە بەلارۋس پاسپورتتارىنان تومەن؛ بۇل رەتتە ارمەنيا، ازەربايجان، قىرعىزستان، وزبەكستان، تاجىكستان جانە تۇرىكمەنستاننىڭ ءتولقۇجاتتارىنا قاراعاندا، ءبىزدىڭ ءتولقۇجاتىمىزدىڭ كۇشى جوعارى.
«بيىلعى ءبىرىنشى توقساندا قازاقستانعا 7,7 مىڭ ادام كەلگەن، بۇل ءبىر جىل بۇرىنعىدان 87 پايىزعا ارتىق كورسەتكىش. ونىڭ ىشىندە ق ر قالالارىنا 5,5 مىڭ ادام كەلدى، بۇل وتكەن جىلمەن سالىستىرعاندا بىردەن 2,2 ەسەگە كوپ. ال اۋىلدارعا 2,2 مىڭ ادام كەلگەن، ءبىر جىل بۇرىنعىدان 33,3 پايىزعا ارتىق»، - دەيدى ماماندار.
بۇل رەتتە ەلدەن 2,7 مىڭ ادام كەتكەن، بۇل ءبىر جىل بۇرىنعى كورسەتكىشتەن 49,6 پايىزعا از كورسەتكىش. سونىڭ ىشىندە قالالاردان كەتكەندەر سانى ءبىر جىلدا 53,6 پايىزعا، ياعني 2 مىڭعا ازايعان، ال اۋىلداردا 29 پايىزعا، ياعني 620 ادامعا ازايدى.
«وڭىرلىك تۇرعىدان العاندا، كەلگەندەردىڭ باسىم بولىگى ماڭعىستاۋ وبلىسىنا ورنالاسقان: 1,5 مىڭ ادام، ءبىر جىلعىدان 10,6 پايىز ارتىق. يمميگرانتتار ءۇشىن تانىمال وڭىرلەر قاتارىنا الماتى (1,4 مىڭ ادام، جىلدىق ءوسىم 2,3 ەسە) جانە الماتى وبلىسى (791 ادام، جىلدىق ءوسىم 2 ەسە) بولىپ وتىر. ەڭ از سۇرانىسقا يە - قىزىلوردا وبلىسى، بۇل وڭىرگە جىل باسىنان بەرى 4 ادام كەلگەن»، - دەلىنگەن زەرتتەۋدە.
حالىقتىڭ باسىم بولىگى قوستاناي وبلىسىنان كەتكەن: 488 ادام، ءبىر جىل بۇرىنعىدان 24,3 پايىزعا از. ودان كەيىن قاراعاندى (263 زەينەتكەر، ءبىر جىلدا 61,4 پايىز از) جانە سولتۇستىك قازاقستان (253 ادام، مينۋس 39,9 پايىز) وبلىستارى تۇر. ەڭ ازى قىزىلوردا وبلىسىنان، ءبىر جىل بۇرىنعى 1 گە قارسى 6 ادام عانا كەتكەن.
