قاربىزدان ۋلانىپ قالماۋ ءۇشىن نە ىستەۋ كەرەك

استانا. قازاقپارات - باقشا داقىلدارى، اسىرەسە پەستيتسيدتەرمەن ەمدەلگەن بولسا، بويىنا نيتراتتاردى جيناۋعا بەيىم بولادى، دەپ حابارلايدى قازاقپارات دەنساۋلىق ساقتاۋ مينيسترلىگىنە سىلتەمە جاساپ.

ەگەر قۇرامىندا وسى زاتتەكتەر كوپ قاربىزدى جەسە، ونىڭ بەلگىلەرى 4-6 ساعاتتان كەيىن بىلىنە باستايدى. ەگەر نيتراتتارمەن ۋلانعان كەزدە ەشقانداي شارا قولدانىلماسا، دەنساۋلىققا ايتارلىقتاي زيان كەلتىرۋ قاۋپى بار. نيتراتپەن ۋلانۋ بەلگىلەرى: جۇرەك اينۋ، ديارەيا، ءىشتىڭ اۋىرۋى، دەنە قىزۋىنىڭ كوتەرىلۋى، بۋىنداردىڭ السىرەۋى جانە اۋىرعانىنان اجىراتۋعا بولادى.

العاشقى بەلگىلەرى بىلىنىسىمەن دارىگەرگە جۇگىنۋ قاجەت!

دارىگەرلەر كەلگەنگە دەيىن ناۋقاس ەنتەروسوربەنتتەردى (مىسالى، بەلسەندىرىلگەن كومىر) قابىلداپ، كوپ مولشەردە سۋ ءىشۋى كەرەك، سونىمەن قاتار تىنىشتىقتى قامتاماسىز ەتىپ، ونىڭ جاعدايىن باقىلاۋ كەرەك.

ەگەر ۋلانۋ بەلگىلەرى جۇكتى ايەلدەردە، قارتتاردا نەمەسە 12 جاسقا دەيىنگى بالالاردا بايقالسا، بىردەن جەدەل جاردەم شاقىرۋ كەرەك.

ءوزىڭدى قاربىزدان ۋلانۋدان قالاي قورعاۋعا بولادى؟

- ءوزىڭدى جانە جاقىندارىڭدى قاربىزدان ۋلانۋدان قورعاۋ ءۇشىن كەلەسى ساقتىق شارالارىن ۇسىنامىز:

- قولدانار الدىندا قاربىزدى جاقسىلاپ جۋۋ؛

- سۋىق سۋعا جارتى ساعاتقا سالىپ قويۋ؛

- قاربىزدىڭ قابىعىنىڭ جانىنداعى مايەگىن جەۋگە بولمايدى، ويتكەنى وندا نيتراتتار ەڭ كوپ مولشەردە جينالادى؛

- ساتىپ الىپ جاتقان كەزدە كەسۋ ۋلانۋعا ءقاۋىپ تۋدىرادى. قاربىز جەردە وسەدى، ساتىلاتىن جەرگە دۇرىس تاسىمالدانبايدى. دامۋشى ميكرواعزالار كەسىلگەن جەرگە تۇسەدى. ساتۋشىلار مەن ساتىپ الۋشىلاردىڭ قولدارىنىڭ جۋىلماۋى ۋلانۋ ءقاۋپىن ارتتىرادى.

- قاربىزدىڭ قۇرامىندا نيترات بار- جوعىن تەكسەرۋ كەرەك. ول ءۇشىن ونى جەۋدىڭ الدىندا مايەگىنەن كەسىپ الىپ، ءبىر ستاقان سۋعا سالىپ قويۋ كەرەك. ەگەر سۋ لايلانۋدىڭ ورنىنا قىزعىلت تۇسكە اينالسا، وندا ونىڭ قۇرامىندا نيتراتتاردىڭ كوپ ەكەنىن بىلدىرەدى.

- جەمىس ساتىپ العاندا، قابىعىنىڭ بۇتىندىگىنە نازار اۋدارۋدى ۇسىنامىز.

قاربىزدى قايدان جانە قاشان ساتىپ الماعان ءجون؟

ءوزىڭدى ىشەك ينفەكتسيالارىنان قورعاۋ ءۇشىن قاراپايىم سانيتارلىق- گيگيەنالىق ەرەجەلەردى ساقتاۋ كەرەك:

- اشىق بازارلاردان ساتىپ الۋدىڭ قاجەتى جوق؛

باقشا داقىلدارىن ساتۋ ءۇشىن بولىنگەن ورىن قورشالىپ، كۇن مەن جاڭبىردان سەنىمدى قورعالۋى ءتيىس. ساتۋ نۇكتەسى شاتىر استىندا بولۋى كەرەك، وندا قاربىز مەن قاۋىن بيىكتىگى كەمىندە 20 سانتيمەتر بولاتىن ارنايى ءتۇپقويمالاردا ساقتالۋى كەرەك.

- جول بويىندا جيدەكتەر ساتىپ الماعان ءجون، ويتكەنى جينالعاننان كەيىن قاربىز «دەم الۋدى» جالعاستىرادى، سوندىقتان ول اۆتوموبيل شىعاراتىن گازداردا كەزدەسەتىن اۋىر مەتالداردى بويىنا تەز جينايدى.

قاربىزدان ۋلانۋدىڭ بەلگىلەرى؟

قاربىزدان ۋلانۋ ادەتتەگى تاماقتان ۋلانۋدان ەرەكشەلىگى از. ەگەر ۋلانۋ حيميالىق زاتتاردىڭ بولۋىنا بايلانىستى بولىپ، ءونىم نيتراتتى بولىپ شىقسا، بەلگىلەر 2-3 ساعاتتان كەيىن بىلىنە باستايدى. ءىشتىڭ اۋىرۋى جيىلەيدى. ينفەكتسيا تەز تارالىپ، از ۋاقىتتان كەيىن ءىش ءوتىپ، ادام قۇسا باستايدى. ناۋقاستىڭ جاعدايى ناشارلايدى. السىزدىك پايدا بولىپ، قالتىراپ، (ادەتتە بالالاردا) دەنە قىزۋى كوتەرىلەدى. ۆيرۋستىق ىشەك ينفەكتسياسى كەزىندە بەلگىلەر 5-6 ساعاتتان كەيىن پايدا بولادى. جاعداي نيتراتتارمەن ۋلانعانداعىداي ءقاۋىپتى بولمايدى. بالالار بۇلاي ۋلانۋدى ەرەسەكتەرگە قاراعاندا اۋىر قابىلدايدى.

قالاي ۋلانۋدىڭ الدىن الۋعا بولادى؟

قاراپايىم تاماقتان ۋلانۋ ىقتيمالدىعىن بولدىرماۋ ءۇشىن كەز كەلگەن جەمىس- جيدەك ساتىپ العان كەزدە كەلەسى نەگىزگى ەرەجەلەردى ساقتاۋ كەرەك:

- قاربىز نەمەسە قاۋىن ساتىپ العاندا، قابىعىنىڭ جارىقسىز، سىزاتسىز جانە مايىسپاي ءبۇتىن بولۋىنا نازار اۋدارۋ كەرەك. جەمىستەردى تاسىمالداۋ كەزىندە ءجيى لاقتىرادى، قابىعىنىڭ جارىعى ارقىلى باكتەريالار ىشىنە كىرىپ كەتۋى مۇمكىن، ال مايىسقان جەرلەرى كوبىنەسە قاربىزدىڭ مايەگىنىڭ قىشقىلدانۋىنا اكەلەدى؛

- كەسىلگەن جيدەكتەردى ساتىپ الۋعا بولمايدى، قاربىزدىڭ سىرتىنداعى لاس پىشاقپەن كەسكەن كەزدە مايەگىنە وڭاي تۇسەدى؛

- ساتىپ العان جەرلەردە جۋىلماعان جەمىستەردى تۇتىنباڭىز جانە جيدەكتەردىڭ پىسكەنىن تەكسەرۋ ءۇشىن ەشقاشان كەسىپ الماڭىز، ويتكەنى كوپ جاعدايدا لاس پىشاقتار قولدانىلىپ، جيدەك مايەگىنە ىشەك ينفەكتسيالارىنىڭ قوزدىرعىشتارى ءتۇسىپ باكتەريا جۇقتىرۋىنا اكەلۋى مۇمكىن؛

- جەمىستى كەسەر الدىندا جيدەكتىڭ سىرتىنداعى كىردىڭ مايەككە ءتۇسىپ كەتپەۋى ءۇشىن شەتكامەن اعىپ تۇرعان سۋدىڭ استىندا جاقسىلاپ جۋۋ كەرەك؛

جيدەكتى كەلەسى كۇنگە قالدىرماي بىردەن جەپ قويعان ءجون، ويتكەنى شىرىندى مايەگىندەگى قانتتىڭ كوپ بولۋى ونى باكتەريالار ءۇشىن قۇنارلى ورتاعا اينالدىرادى. ەگەر قاربىز نەمەسە قاۋىن جەلىنبەي قالسا، كەسىلگەن جەردى تاعامعا ارنالعان ۇلدىرمەن جاۋىپ، توڭازىتقىشقا شيكى ازىق- تۇلىكتەن (جۇمىرتقا جانە شيكى ەتتەن) بولەك قويۋ كەرەك؛

جەمىستىڭ مايەگىن قابىعىنا دەيىن جەمەگەن دۇرىس، قاربىزداعى نيتراتتار بىركەلكى بولىنبەيدى، ولار قابىعى مەن جەمىسساباعانى كوبىرەك جاقىن بولادى، سوندىقتان بالالارعا جەمىستىڭ ورتاسىنداعى مايەگىن بەرگەن دۇرىس.