قازاقستاندا ەمشىلىك ءداستۇرلى مەديتسينامەن تەڭەستىرىلە مە - مينيسترلىك جاۋابى
مينيسترلىكتىڭ باسپا ءسوز قىزمەتىنىڭ مالىمەتىنشە، تارالعان سكرينشوت 2019-2021 -جىلدارى دۇنيەجۇزىلىك بانك جوباسى اياسىندا ازىرلەنگەن «ءداستۇرلى مەديتسينا. ەمشىلىك» كاسىبي ستاندارتىنىڭ جوبالىق العاشقى تۇرىنەن جاسالعان. قازىرگى ۋاقىتتا قۇجات تالقىلانۋ ۇستىندە. جوبا بەكىتىلگەن سوڭ اشىق ن ق ا پورتالىنا ورنالاستىرىلادى.
اتالعان جوبا 50-دەن استام ماماندىققا ارنالعان كاسىبي ستاندارتتى قامتيدى.
ەمشىلەردى دارىگەرلەرمەن جانە دالەلدى مەديتسينامەن تەڭەستىرۋ تۋرالى اقپارات شىندىققا جاناسپايدى. بۇل جوبا ولاردىڭ جاۋاپكەرشىلىگىن قالىپتاستىرۋعا جانە ستاندارتتارعا سايكەس كەلتىرۋگە باعىتتالعان. سونىمەن قاتار 2020 -جىلعى 7 -شىلدەدەگى قازاقستان رەسپۋبليكاسىنىڭ «حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكسىندە ء«داستۇرلى مەديتسينا. ەمشىلىك» ءبولىمى بار، وندا كەلەسى نورمالار بەكىتىلگەن:
1. ءداستۇرلى مەديتسينا - حالىق مەديتسيناسىنىڭ كوپ عاسىرلىق داستۇرلەرىنە نەگىزدەلگەن جانە مەديتسينالىق قولدانۋعا رۇقسات ەتىلگەن، پروفيلاكتيكانىڭ، دياگنوستيكانىڭ، ەمدەۋدىڭ جانە وڭالتۋدىڭ كوديفيكاتسيالانعان ادىستەرىنىڭ جيىنتىعى.
2. مەديتسينالىق ءبىلىمى بار، دەنساۋلىق ساقتاۋ سالاسىنداعى مامان سەرتيفيكاتى جانە قازاقستان رەسپۋبليكاسىنىڭ رۇقساتتار جانە حابارلامالار تۋرالى زاڭناماسىنا سايكەس ليسەنزياسى بار ادامداردىڭ ءداستۇرلى مەديتسينا سالاسىنداعى قىزمەتكە قۇقىعى بار.
3. ەمشىلىك - ەمشىلىك قۇرالدار، تاسىلدەر، داعدىلار تۋرالى ەمپيريكالىق مالىمەتتەردىڭ جيىنتىعى جانە دەنساۋلىققا اسەر ەتۋ ماقساتىندا ولاردى پراكتيكالىق قولدانۋ.
4. ەكى جانە ودان كوپ ادامداردى تارتا وتىرىپ، ونىڭ ىشىندە بۇقارالىق اقپارات قۇرالدارىن پايدالانىپ، ەمشىلىك سەانستارىن جۇرگىزۋگە تىيىم سالىنادى.
5. ەمشىلىك ادىستەرىن قولدانۋ كەزىندە ادامنىڭ دەنساۋلىعىنا زيان كەلتىرگەن ادام قازاقستان رەسپۋبليكاسىنىڭ زاڭدارىنا سايكەس جاۋاپتى بولادى، - دەپ ءتۇسىندىردى مينيسترلىكتىڭ باسپا ءسوز قىزمەتىنىڭ وكىلدەرى.
دەمەك، قازاقستاندا ەمشىلىك مەديتسينامەن تەڭەستىرىلمەيدى. ەلىمىزدە ادامدارعا زيان كەلتىرمەۋ ءۇشىن ەمشىلەر سايكەس بولۋعا ءتيىس بەلگىلى ءبىر نورمالار ازىرلەنىپ جاتىر.
