س ق و-دا ەنەرگەتيك سۋسىندى كوپ تۇتىناتىن ساربازدىڭ جۇرەگى توقتاپ قالدى

پەتروپاۆل. قازاقپارات - سولتۇستىك قازاقستان وبلىسىندا جەدەل مەديتسينالىق كومەك قىزمەتكەرلەرى جۇرەگى توقتاپ قالعان جىگىتتى ولىمنەن اراشالاپ قالدى، دەپ حابارلايدى قازاقپارات ءتىلشىسى.

بۇل جايىندا س ق و جەدەل مەديتسينالىق كومەك كورسەتۋ ورتالىعىنىڭ ديرەكتورى يۋري بەلونوگ الەۋمەتتىك جەلىدەگى پاراقشاسىندا جازدى.

اسكەري بولىمگە شاقىرتۋ ءتۇس كەزىندە تۇسكەن. فەلدشەرلەر تالعات قاسەنوۆ پەن ەكاتەرينا شميدت، جۇرگىزۋشى مەرگەن ادىلبايەۆتىڭ بريگاداسى وقيعا ورنىنا ءۇش مينۋتتان سوڭ كەلگەن. تەكسەرۋ كەزىندە 21 جاستاعى ناۋقاس ەس-ءتۇسسىز جاتقان، ءتىپتى، تىنىس الماي، جۇرەك قاعىسى بولماعان.

«ءبىزدىڭ قىزمەتكەرلەر ASLC حالىقارالىق ستاندارتى بويىنشا رەانيماتسيالىق ءىس-شارالار جاسادى. وكپەنى جاساندى جەلدەتۋ جانە دەفيبريللياتسيامەن جۇرەك-وكپە رەانيماتسياسىنىڭ التى سيكلىنان كەيىن 30-مينۋتتا جۇرەك قىزمەتى قالپىنا كەلتىرىلىپ، وزدىگىنەن تىنىس الۋ پايدا بولدى. ناۋقاس كوپبەيىندى قالالىق اۋرۋحاناعا جەتكىزىلدى. دميتري فلەركو باسقاراتىن رەانيماتسيا ءبولىمى ماماندارىنىڭ ارقاسىندا پاتسيەنت وڭ ديناميكامەن بولىمشەگە اۋىستىرىلدى»، - دەيدى يۋري بەلونوگ.

دارىگەردىڭ ايتۋىنشا، جۇرەك قىزمەتىنىڭ توقتاپ قالۋىنىڭ سەبەبى - ەنەرگەتيكالىق سۋسىنداردى شامادان تىس كوپ پايدالانۋ بولۋى مۇمكىن.

اۆتور:

اقەركە داۋرەنبەك قىزى