داۋلەت تۇرلىحانوۆتىڭ ۇلى اسكەري بولىمنەن قاشىپ كەتكەن

استانا. قازاقپارات - قوعام قايراتكەرى، تانىمال سپورتشى داۋلەت تۇرلىحانوۆتىڭ اسكەردەگى ۇلى بورىشىن وتەۋ ورنىنان قاشىپ كەتكەن، دەپ حابارلايدى قازاقپارات ءتىلشىسى قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.

«2023 -جىلعى 2- شىلدەدە قونايەۆ گارنيزونىنىڭ اسكەري بولىمدەرىنىڭ بىرىندە مەرزىمدى قىزمەتىن وتكەرىپ جاتقان قاتارداعى جاۋىنگەر ب. قاماۋعا الۋ مەرزىمى اياقتالعاننان كەيىن (بۇيرىققا باعىنباۋ نەمەسە ونى وزگەدەي ورىنداماعانى ءۇشىن گاۋپتۆاحتادا ۇستاۋ تۇرىندە اكىمشىلىك جاۋاپكەرشىلىككە تارتىلدى) اسكەري قىزمەتشىنىڭ سۇيەمەلدەۋىمەن اسكەري ءبولىمنىڭ ورنالاسقان جەرىنە قايتىپ بارا جاتقان كەزىندە بەلگىسىز باعىتتا قاشىپ كەتكەن»، - دەلىنگەن حابارلامادا.

اقپاراتتى ايتىلعانداي، اسكەري قىزمەتشىنىڭ ورنالاسقان جەرىن انىقتاۋ بويىنشا ىزدەستىرۋ ءىس- شارالارى ۇيىمداستىرىلدى. اتالعان فاكتى بويىنشا قىزمەتتىك تەكسەرىس تاعايىندالدى.

ەسكە سالا كەتەيىك، بيىل اقپاندا الماتىدا زاڭگەر اننا دميتريەۆيچ پەن ونىڭ كۇيەۋى ولەگ چەرنوۆ سوققىعا جىعىلعان ەدى.

الماتى قالالىق پوليتسيا دەپارتامەنتى اتالعان دەرەك ق ر ق ك- ءنىڭ 293-بابى («بۇزاقىلىق») بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلگەنىن حابارلادى.

كەيىن سپورت قايراتكەرى داۋلەت تۇرلىحانوۆ بالاسىنىڭ بۇزاقىلىق ارەكەتىنە بايلانىستى پىكىر ءبىلدىردى.

ودان بولەك، داۋلەت تۇرلىحانوۆ ۇلىنىڭ ىسىنە ارالاسىپ جاتپاعاندىعىن ايتتى.

سونداي- اق، قورعانىس مينيسترلىگى داۋلەت تۇرلىحانوۆتىڭ ۇلى اسكەري مىندەتىن وتەۋدى جالعاستىرۋىنا قاتىستى پىكىر بىلدىرگەن ەدى.