قازاقستانعا سىرتتان كەلگەندەردىڭ قانشاسى اۋىلعا قونىستاندى
finprom.kz ۇلتتىق ستاتيستيكا بيۋروسىنىڭ مالىمەتىنە سۇيەنىپ جازۋىنشا، بيىلعى جىلدىڭ ءبىرىنشى توقسانىندا قازاقستانعا 7,7 مىڭ ادام كەلدى. بۇل وتكەن جىلمەن سالىستىرعاندا 87 پايىز جوعارى. ونىڭ ىشىندە قالالارعا - 5,5 مىڭ ادام (ءبىر جىل بۇرىنعىعا قاراعاندا 2,2 ەسە جوعارى)، اۋىلدارعا 2,2 مىڭ ادام كەلدى (ءبىر جىل بۇرىنعىدان 33,3 پايىز كوپ).
ودان بولەك، ەلدەن 2,7 مىڭ ادام كوشىپ كەتتى، بۇل وتكەن جىلمەن سالىستىرعاندا 49,6 پايىز از. ونىڭ ىشىندە قالادان كەتكەندەر سانى ءبىر جىلدا 53,6 پايىز، 2 مىڭعا دەيىن، اۋىلدان كەتكەندەر 29 پايىز، ياعني 620 ادامعا دەيىن ازايدى.
قونىس اۋدارۋشىلار كوبىنە ماڭعىستاۋ وبلىسىنا كەلگەن - 1,5 مىڭ ادام، وعان قوسا جىلىنا 10,6 پايىز. كوشىپ كەلۋشىلەر ءۇشىن تانىمال وڭىرلەر الماتى (1,4 مىڭ ادام، جىلىنا ءوسىم 2,3 ەسە) جانە الماتى وبلىسى (791 ادام، جىلدىق ءوسىم 2 ەسە). ال قىزىلوردا وبلىسىنا قونىس اۋدارۋشىلار از، جىل باسىنان 4 ادام عانا كەلدى.
جىل باستالعالى قوستاناي وبلىسىنان 488 ادام كەتتى. بۇل وتكەن جىلمەن سالىستىرعاندا 24,3 پايىز از. ودان ءارى قاراعاندى (263 كەتتى جىلىنا مينۋس 61,4 پايىز) جانە سولتۇستىك قازاقستان (253 ادام، مينۋس 39,9 پايىز) وبلىستارى تۇر. حالقى ەڭ از كوشەتىن ءوڭىر - قىزىلوردا وبلىسى، جىل ىشىندە 6 ادام قونىس اۋدارعان.
