سەرىك كۇدەبايەۆتىڭ اپەللياتسيالىق شاعىمى وزگەرىسسىز قالدى
«سەرىك كۇدەبايەۆ سوت ۇكىمىمەن كەلىسپەي اپەللياتسيالىق شاعىم ءتۇسىردى. اپەللياتسيالىق شاعىم وزگەرىسسىز قالدى»، - دەدى جەتىسۋ وبلىستىق سوتى باسپا ءسوز قىزمەتىنىڭ وكىلى نۇرسۇلتان ورىنباساروۆ.
ەستەرىڭىزگە سالا كەتەيىك، سەرىك كۇدەبايەۆ 28 -ءساۋىر كۇنى 10 جىلعا سوتتالعان بولاتىن. وعان لاۋازىمدىق وكىلەتتىگىن اسىرا پايدالانۋ جانە ازاپتاۋ باپتارى بويىنشا ايىپ تاعىلدى.
ايتا كەتەيىك، ول بيىلعى 30 -ناۋرىز كۇنگى سوت وتىرىسىنا كەلمەدى. سوندىقتان ونى سوتقا ءماجبۇرلى تۇردە جەتكىزۋ جونىندە قاۋلى شىقتى.
ارتىنشا گەنەرالدىڭ ەلدەن قاشىپ كەتكەنى بەلگىلى بولىپ، تالدىقورعان قالالىق سوتى سەرىك كۇدەبايەۆقا حالىقارالىق ىزدەۋ جاريالاعان.
27 -ساۋىردە سەرىك كۇدەبايەۆ تۇركيادا ۇستالىپ، ەلگە جەتكىزىلدى.
الماتى وبلىستىق پوليتسيا دەپارتامەنتىنىڭ بۇرىنعى باسشىسى سەرىك كۇدەبايەۆ قاڭتار وقيعاسى بويىنشا كۇدىكتى دەپ تانىلعان ەدى.
