ش ق و پوليتسياسى مارالدىڭ مۇيىزىنەن قان الىپ جاتقان ۆيدەوعا قاتىستى تەكسەرۋ جۇرگىزدى
الەۋمەتتىك جەلىلەردە كاتونقاراعاي اۋدانىنداعى شارۋا قوجالىقتارىنىڭ بىرىندە مارالدىڭ مۇيىزىنەن قان الىپ جاتقان ۆيدەو تارادى. جەلى قولدانۋشىلارىنىڭ كوبى بۇل ارەكەتتىڭ قانشالىقتى زاڭدىلىعىن سۇراپ جازىپ جاتتى.
سوعان وراي اتالعان فاكتى بويىنشا ش ق و پوليتسيا دەپارتامەنتى تەكسەرۋ جۇرگىزدى.
«پوليتسيا قىزمەتكەرلەرى «جانات» شارۋا قوجالىعىندا مارالداردى ۇستاۋعا جانە ولاردىڭ ونىمدەرىن ودان ءارى ساتۋعا رۇقسات قۇجاتتارىنىڭ بار-جوعىن تەكسەردى. بەلگىلى بولعانداي، كاتونقاراعاي اۋدانىنىڭ ۆەتەريناريا ءبولىمى قوجالىققا جانۋارلاردان الىناتىن ونىمدەر مەن شيكىزاتتى قايتا وڭدەۋ جونىندەگى قىزمەتتى جۇزەگە اسىرۋعا رۇقسات بەرگەن. وسىلايشا، ولاردىڭ ارەكەتتەرىندە قىلمىستىق نەمەسە اكىمشىلىك قۇقىق بۇزۋشىلىق قۇرامى جوق»، - دەلىنگەن اقپاراتتا.
Посмотреть эту публикацию в Instagram
