پەتروپاۆلداعى جەرتولەدەن ءبىر سەنتنەردەن استام ماريحۋانا تاركىلەندى
ماقساتتى جەدەل- ىزدەستىرۋ ءىس- شارالارىنىڭ ناتيجەسىندە س ق و پ د ەسىرتكى قىلمىسىنا قارسى ءىس- قيمىل باسقارماسىنىڭ قىزمەتكەرلەرى پەتروپاۆل قالاسىنىڭ 36 جانە 48 جاستاعى ەكى تۇرعىنىن ۇستادى. ولاردىڭ بىرەۋىنىڭ گوگول كوشەسىندەگى ءۇيىنىڭ جەرتولەسىنەن پوليتسەيلەر 4 قاپ وسىمدىك تەكتەس زاتتى تاركىلەدى.
ساراپتاما كورسەتكەندەي، بۇل جالپى سالماعى 113 كەلىدەن اساتىن كەپتىرىلگەن ماريحۋانا بولىپ شىقتى. اتالعان فاكت ق ر ق ك- ءنىڭ 297-بابى بويىنشا سوتقا دەيىنگى تەرگەپ- تەكسەرۋلەردىڭ ءبىرىڭعاي تىزىلىمىندە تىركەلدى. وتكىزۋ ماقساتىندا اسا ءىرى مولشەردە ەسىرتكى ساقتادى دەگەن كۇدىكپەن ۇستالعانداردىڭ ءبىرى قاماۋعا الىندى، ەكىنشىسىنە قاتىستى كەلۋ تۋرالى مىندەتتەمە تۇرىندەگى ماجبۇرلەۋ شاراسى تاڭدالدى.
تەرگەۋ ءجۇرىپ جاتىر، پوليسيا قىزمەتكەرلەرى ءىرى كولەمدەگى ەسىرتكى مولشەرىنىڭ شىعۋ تەگىن انىقتاۋى كەرەك.
«بۇل - وبلىستا جىل باسىنان بەرى تاركىلەنگەن ماريحۋانانىڭ ەكىنشى اسا ءىرى پارتياسى. تەوريالىق تۇرعىدان العاندا، تاركىلەنگەن سالماق پەتروپاۆلدىڭ بارلىق تۇرعىندارىن ناشاقورلىققا تارتۋ ءۇشىن جەتكىلىكتى. ەستەرىڭىزگە سالا كەتەيىك، ەسىرتكى ساتقانى ءۇشىن اسا ءىرى مولشەردە 10 جىلدان 15 جىلعا دەيىن باس بوستاندىعىنان ايىرۋ جازاسى قاراستىرىلعان»، - دەدى س ق و پ د ەسىرتكى قىلمىسىنا قارسى ءىس- قيمىل باسقارماسىنىڭ باستىعى يۆان تەرزيدي.
جىل باسىنان بەرى وبلىس پوليتسەيلەرىمەن 600 كەلىدەن استام ءتۇرلى ەسىرتكى، ونىڭ ىشىندە 1 كەلىدەن استام سينتەتيكالىق ەسىرتكى تاركىلەندى.
