ەرلان قارين قانداي لاۋازىم يەلەرى پارتياعا مۇشە بولا المايتىنىن ەسكە سالدى
«ەلدەگى رەفورمالاردىڭ ءمان- ماعىناسى بويىنشا پرەزيدەنت ەلدەگى بارلىق ساياسي كۇشتەردەن تىسقارى تۇرۋ كەرەك. بۇل - باستى قاعيداتتىڭ ءبىرى. سوندىقتان بىلتىر كونستيتۋتسيالىق رەفورما اياسىندا مەملەكەت باسشىسى ءوز وكىلەتتىگىن اتقاراتىن مەرزىمدە ەشقانداي ساياسي پارتيانىڭ قاتارىندا بولماۋ كەرەك دەگەن ەرەجەنى ەنگىزۋ تۋرالى باستامانى كوتەردى. سودان كەيىن پرەزيدەنت رەفەرەندۋم قورىتىندىسىن كۇتپەستەن پارتيا قاتارىنان شىعىپ، ءتوراعالىقتان باس تارتتى. وسىلايشا مەملەكەت باسشىسى رەفورمالاردى جۇزەگە اسىرۋعا تاباندىلىعىن كورسەتتى»، - دەدى ەرلان قارين.
سونداي- اق ول ەندى زاڭ بويىنشا كونستيتۋتسيالىق سوتتىڭ، جوعارعى سوتتىڭ جانە وزگە دە سوتتىڭ ءتوراعالارى مەن سۋديالارىنا، ورتالىق سايلاۋ كوميسسياسى مەن جوعارى اۋديتورلىق پالاتا ءتوراعاسى مەن مۇشەلەرىنە قانداي دا ءبىر پارتيانىڭ قاتارىندا بولۋعا تىيىم سالىناتىنىن ەسكە سالدى.
«سونداي- اق اكىمدەر ساياسي پارتيانىڭ فيليالدارىندا ءتوراعا بولا المايدى. وسىلايشا ەلىمىزدە جاڭا ساياسي مادەنيەتتىڭ نەگىزى قالانىپ جاتىر»، - دەدى مەملەكەتتىك كەڭەسشى.
اۆتور:
ەسىمجان ناقتىباي
