حالىق بۇرىن اكىمدى ىزدەسە، قازىر دەپۋتاتتى ىزدەيدى - امانات ءتوراعاسى
«كۇنى كەشە عانا تۇركىستاندا وتكەن ۇلتتىق قۇرىلتايدا مەملەكەت باسشىسى «ادىلەتتى قازاقستان مەن ادال ازامات» كونسەپتسياسىن ۇسىندى. ادىلەت پەن ادالدىق - اجىراماس ۇعىمدار. ال، وسى ۇعىمداردىڭ سالتانات قۇرۋى ءۇشىن قوعامدىق سانا مەن الەۋمەتتىك قۇندىلىقتار وزگەرۋى كەرەك. سوندا عانا كوزدەگەن ماقساتىمىزعا جەتەمىز. بۇل بىزگە دە قاتىستى. وسى جولدا AMANAT پارتياسى بارلىق يگى ىستەردىڭ العى شەبىندە ءجۇرۋى ءتيىس»، - دەدى ەرلان قوشانوۆ.
سونداي- اق، ءماجىلىس ءتوراعاسى حالىقتىڭ بيلىككە ورىندالمايتىن تالاپ قويىپ وتىرماعانىن اتاپ ءوتتى.
«قازىر ونسىز دا قوعامنىڭ سۇرانىسى كۇشەيدى. الايدا، ازاماتتار بىزدەن ورىندالمايتىن نارسەنى سۇراپ وتىرعان جوق. ولار بەرگەن ۋادەمىزدىڭ ۋاقىتىندا ءارى ساپالى ورىندالۋىن، رەفورمالاردىڭ ناقتى ناتيجەسىن تاعاتسىزدانا كۇتىپ وتىر. ولاي بولسا، دەپۋتاتتاردىڭ بەل شەشىپ جۇمىسقا كىرىسەتىن شاعى كەلدى. بۇل، اسىرەسە، ءماسليحات دەپۋتاتتارىنا قاتىستى. سىزدەر - پارتيانىڭ جەرگىلىكتى جەردەگى وكىلىسىزدەر. بۇكىل وڭىرلىك ساياساتقا ىقپال ەتەسىزدەر. سىزدەردىڭ مويىندارىڭىزداعى جۇك جەڭىل ەمەس. بۇرىن حالىق اكىمدى ىزدەيتىن، قازىر دەپۋتاتتان سۇرايدى. نە جاعداي بولسا دا، «AMANAT قايدا؟» دەيدى. ونى وزدەرىڭىز دە سەزىنىپ جاتقان شىعارسىزدار. ءبىز وسى سىناققا دايىن بولۋىمىز كەرەك»، - دەدى پارتيا ءتوراعاسى.
اۆتور:
ەسىمجان ناقتىباي
