تاكسي جۇرگىزۋشىسى قازاق ءتىلىن بىلەتىن وزگە ۇلتتاردى تەگىن تاسىپ ءجۇر - ۆيدەو

استانا. قازاقپارات - ۆيدەو الەۋمەتتىك جەلىدە جاريالاندى. بۇل ادامداردىڭ رەاكسياسىن تۋعىزدى.

ەرەكشە حابارلاندىرۋدى تاكسيلەردىڭ بىرىندە جولاۋشى كورىپ قالعان. «قازاقشا سويلەيتىن وزگە ۇلتتاردى تەگىن جەتكىزەمىن!» - دەپ جازىپ قويعان تاكسي جۇرگىزۋشىسى.

ۆيدەو جەلى قولدانۋشىلاردىڭ قاتتى رەاكسياسىن تۋدىردى. بىرەۋلەر اۆتوردى قولداپ، قازاق ءتىلىنىڭ دامۋىنا قوسقان ۇلەسىن جوعارى باعالاسا، ەندى ءبىرى، كەرىسىنشە، نارازىلىقتارىن ءبىلدىردى.

«جاقسى ارەكەت. موتيۆاتسيا»، «مەن تاكسيدە جانە كەز كەلگەن قوعامدىق ورىنداردا ۇنەمى قازاقشا سويلەۋگە تىرىسامىن، قازاق ءتىلى دە مەنىڭ انا ءتىلىم»، «وداندا قوقىستى جاشىككە اپارۋدى ۇيرەنسە جاقسى بولار ەدى، بۇل ءوز جەرىنە دەگەن ماحاببات، تۋعان جەرى ءۇشىن»، - دەپ جازادى جەلى قولدانۋشىلارى.