الداعى ءۇش كۇنگە اۋا رايى بولجامى

استانا. قازاقپارات - «قازگيدرومەت» ر م ك 29-ماۋسىم - 1-شىلدە ارالىعىنداعى كۇن رايىنا بولجامىن جاريالادى، دەپ حابارلايدى قازاقپارات.

«الداعى ءۇش تاۋلىكتە رەسپۋبليكا اۋماعىنىڭ باسىم بولىگىنە اتموسفەرالىق فرونتالدى بولىكتەر ىقپال ەتەدى، ونىمەن قىسقا مەرزىمدى جاۋىن- شاشىن، نايزاعاي جانە ەكپىندى جەل كۇتىلەدى. 1-شىلدەدە ەلدىڭ باتىسىندا قاتتى جاڭبىر بولجانادى، بۇرشاق جاۋۋى ىقتيمال. ال سولتۇستىك پەن ورتالىقتا كۇن رايى كوبىنە جاۋىن- شاشىنسىز بولادى»، - دەلىنگەن سينوپتيكتەر مالىمەتىندە.

اۋا تەمپەراتۋراسى بىرتىندەپ كوتەرىلەدى: سولتۇستىك اۋماقتاردا 25-30 گرادۋسقا دەيىن، ورتالىقتا 30-35، وڭتۇستىكتە 33-38، وڭتۇستىك- شىعىستا 28-33، شىعىستا 17-25 گرادۋسقا كوتەرىلەدى. ەلدىڭ باتىسىندا تەمپەراتۋرالىق فون ايتارلىقتاي وزگەرمەيدى. كۇندىز كۇن 25-30 گرادۋسقا دەيىن جىلىنادى. وڭتۇستىك- باتىستا - 33-38.