قىتايدا ەڭ ءىرى سۋ كۇن ەلەكتر ستانسياسى ىسكە قوسىلدى - فوتو

چىڭدۋ. قازاقپارات - قىتايدا جەكسەنبى كۇنى ەڭ ءىرى سۋ، كۇن ەلەكتر ستانسياسى ىسكە قوسىلدى. ول سىچۋان پروۆينسياسىنىڭ (وڭتۇستىك- باتىس قىتاي) گانزى-تيبەت اۆتونوميالىق وبلىسىندا ورنالاسقان، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

ياتسزيان وكرۋگىندەگى «كەلا» كۇن ەلەكتر ستانتسياسى «ليانحەكوۋ» سۋ ەلەكتر ستانسياسىنىڭ گيبريدتى گيدروكۇن جوباسىنىڭ ءبىرىنشى كەزەڭىنىڭ بولىگى رەتىندە سالىنعان. بۇل - الەمدەگى ەڭ ۇلكەن جانە ەڭ بيىك سۋ، كۇن ەلەكتر ستانسياسى.

ستانسيانىڭ جالپى اۋدانى شامامەن 1667 گەكتار، ال ورناتىلعان قۋاتى - 1 ميلليون ك ۆت. ول جىلىنا ورتا ەسەپپەن 2 ميلليارد ك ۆت/ساع ەلەكتر ەنەرگياسىن وندىرۋگە قابىلەتتى، بۇل كومىرقىشقىل گازىنىڭ شىعارىندىلارىن جىلىنا 1,6 ميلليون تونناعا ازايتادى.

«ليانحەكوۋ» گ ە س-ى گانزى-تيبەت اۆتونوميالىق وبلىسىنداعى يالۋنجياڭ وزەنىندە ورنالاسقان جانە جوبالىق قۋاتى 3 ميلليون ك ۆت.

يالۋنجياڭ وزەنىنىڭ باسسەينى قىتايدىڭ تازا ەنەرگيا بازالارىنىڭ ءبىرى سانالادى.