جولاۋشىلار ۇشاعىنا نايزاعاي سوقتى

ۆاشينگتون. قازاقپارات - American Eagle اۋە كومپانياسىنىڭ Embraer E175 ۇشاعى اركانزاس شتاتىنداعى داۋىل كەزىندە جەرگە قونا سالىسىمەن وعان نايزاعاي سوقتى، دەپ حابارلايدى قازاقپارات Daily Mail باسىلىمىنا سىلتەمە جاساپ.

كادرلاردان ۆيدەو اۆتورىنىڭ بۇعان دەيىن ۇشاقتىڭ ارتقى بولىگىنە دە ەلەكتر رازريادى تۇسكەنىن ايتىپ جاتقانىن كورۋگە بولادى.

جولاۋشىلار بىردەن ۇشاقتان شىعارىلىپ، تەكسەرىس جۇرگىزۋ ءۇشىن وقيعا ورنىنا تەحنيكالىق ماماندار كەلدى.

اگەنتتىكتىڭ حابارلاۋىنشا، بۇل نايزاعايدىڭ ۇشاققا ءبىرىنشى رەت ءتۇسۋى ەمەس. بۇعان دەيىن Boeing 737 MAX شامامەن 30000 فۋت بيىكتىكتە ۇشىپ بارا جاتقاندا ەلەكتر رازريادى ءتيىپ، پاناما- سيتيدەگى توكۋمەن حالىقارالىق اۋەجايىنا قونعان.

ەستەرىڭىزگە سالا كەتەيىك، مامىر ايىندا قازاقستاندىق FlyArystan اۋە كومپانياسىنىڭ ۇشاعىنا دا نايزاعاي تۇسكەن بولاتىن. ۇشاق شۇعىل تۇردە قوندى.