09:38, 27 - ماۋسىم 2023 | GMT +5
بيىل قاجىلىققا بارعاندار سانى رەكوردتىق كورسەتكىشكە جەتۋى مۇمكىن
مەككە. قازاقپارات - ساۋد ارابياسى قاجىلىققا ساپارلاۋشىلاردى قارسى الىپ جاتىر. بيىل مەككەگە ساپار پاندەميادان بەرى العاش رەت سانيتارلىق شەكتەۋسىز ءوتىپ جاتىر، دەپ حابارلايدى قازاقپارات Euronews-كە سىلتەمە جاساپ.
كورولدىك بيلىگى بيىلعى ءدىني ءراسىمدى ورىنداۋعا كەلۋشىلەر سانى بۇرىن-سوڭدى تاريحتا بولماعان كورسەتكىشكە جەتۋى مۇمكىن دەپ سانايدى. ويتكەنى وسى ۋاقىتقا دەيىن ەكى ميلليونعا جۋىق ادام كەلىپ ۇلگەرگەن، ەندى كەم دەگەندە ەكى جارىم ميلليون ادام كەلەدى دەپ كۇتەدى.
بيىلعى جىلى رەسەي مۇسىلماندارى ءۇشىن قاجىلىق كۆوتاسى 25 مىڭ ادامدى قۇرادى.
كەلۋشىلەر سانىنىڭ ارتۋىنا بايلانىستى بيلىك قاۋىپسىزدىك شارالارىن كۇشەيتۋگە تىرىسىپ جاتىر. ەلدەگى اپتاپ ىستىق ءبىرشاما قيىندىقتار تۋعىزۋى مۇمكىن. قازىردىڭ وزىندە مەككە ايماعىندا كۇندىزگى تەمپەراتۋرا 46 گرادۋسقا جەتەدى.
بۇعان دەيىن 4 مىڭ قازاقستاندىق مەككەگە قاجىلىق ساپار جاسايتىنىن حابارلاعان بولاتىنبىز.
