رەسەيدەگى جاعدايعا قاتىستى ەلگە ورالعىسى كەلگەن ستۋدەنتتەر بولدى –س ءى م

استانا. قازاقپارات - قازاقستان ازاماتتارىنىڭ رەسەيدەگى جاعدايعا بايلانىستى ەلگە ورالۋى بويىنشا سىرتقى ىستەر مينيسترلىگىنىڭ رەسمي وكىلى ايبەك سمادياروۆ تۇسىنىك بەردى، دەپ حابارلايدى قازاقپارات ءتىلشىسى.

سىرتقى ىستەر مينيسترلىگىندە وتكەن باسپا ءسوز ءماسليحاتىندا ا. سمادياروۆقا: «رەسەيدەگى سوڭعى كۇندەرگى جاعدايعا بايلانىستى ەلگە ورالامىن دەگەن ازاماتتار نەمەسە ستۋدەنتتەر بولدى ما؟» ، - دەگەن ساۋال قويىلدى.

«رەسەيدەگى جاعداي بويىنشا ەلگە كەلەمىن دەگەن ستۋدەنتتەر بولدى. سوڭعى 2-3 كۇن ىشىندە «ازاماتتارىمىزدى نەلىكتەن ەۆاكۋتسيا جاسامايسىزدار؟ دەگەن كوپ سۇراقتار بولدى. ايتايىن دەگەنىم، ەكى ەل اراسىنداعى شەكارا اشىق، رەسەيدە سوعىس جاريالانعان جوق. اۋە قاتىناسى دا قالپىندا، پويىزدار مەن كولىكتەر ءجۇرىپ جاتىر. سوندىقتان ءار ادامنىڭ ءوز ەركى. ازاماتتارىمىزدى ەۆاكۋاتسيالايتىن جاعداي ەمەس»، - دەپ جاۋاپ بەردى ايبەك سمادياروۆ.

سونداي- اق س ءى م وكىلى جالپى كورشى ەلدەگى جاعداي بويىنشا قازاقستاننىڭ ۇستانىمىنا قاتىستى پىكىر ءبىلدىردى.

«قازاقستاننىڭ ۇستانىمىن مەملەكەت باسشىسى ناقتى ايتىپ كەتتى. بۇل - رەسەيدىڭ ىشكى ءىسى»، - دەپ قىسقا قايىردى.