11:12, 26 - ماۋسىم 2023 | GMT +5
ءومىر ءسۇرۋ ەڭ قىمبات قالا انىقتالدى
استانا. قازاقپارات - شۆەيتساريالىق Julius Baer Group بانكى Global Wealth and Lifestyle Report-تىڭ جاڭا ەسەبىن جاريالادى، وندا الەمدەگى ءومىر ءسۇرۋ ەڭ قىمبات قالالاردىڭ ءتىزىمى كورسەتىلگەن، - دەپ حابارلايدى Tengritravel.kz ءتىلشىسى 34travel.me باسىلىمىنا سىلتەمە جاساپ.
قارجى ساراپشىلارى تاۋارلار سەبەتى مەن «قامسىز ءومىر» ءۇشىن قاجەتتى قىزمەتتەر باعاسىن سارالاپتى. وسىلايشا، شىعىنى ەڭ كوپ - ول ازيالىق مەگاپوليس تۇرعىندارى ەكەن. سينگاپۋر العاش رەت ءبىرىنشى ورىنعا شىقتى، ەكىنشى ورىندا شاڭحاي، ال ءۇشىنشى - گونكونگ. ازيا ەلدەرى ءتورتىنشى جىل قاتار جاقسى ءومىر ءۇشىن ەڭ شىعىندى ورىن بولىپ وتىر.
ال ەۋروپالىق ەلدەر كەرىسىنشە، رەيتينگتە تومەندەگەن. بىلتىر لوندون ەكىنشى بولسا، بيىل تورتكە ءتۇسىپتى. موناكونى ەسەپتەمەسە، لوندون العاشقى وندىقتاعى جالعىز ەۋروپالىق ەل بولىپ تۇر.
2023 -جىلى ءومىر ءسۇرۋ ەڭ قىمبات قالالاردىڭ وندىعى:
سينگاپۋر
شاڭحاي
گونكونگ
لوندون
نيۋ-يورك
موناكو
دۋباي
تايبەي
سان-پاۋلۋ
مايامي
