اقشا ايىرباستاۋ ورىندارىندا رۋبل باعامى قۇبىلىپ تۇر

الماتى. قازاقپارات - قازاقستاننىڭ اقشا ايىرباستاۋ ورىندارىندا رەسەيلىك ۆاليۋتا باعامى تۇراقسىز بولىپ تۇر، دەپ حابارلايدى قازاقپارات ءتىلشىسى.

الماتىداعى اقشا ايىرباستاۋ ورىندارىندا كورشى ەل ۆاليۋتاسى 5,1- 5,5 تەڭگە ارالىعىندا ساتىلىپ جاتىر.

ال، استانادا 5,1 -5,3 تەڭگە ارالىعىندا قۇبىلىپ تۇر.

ەلىمىزدەگى ءۇشىنشى مەگاپوليس شىمكەنتتە رەسسەي ءرۋبلىنىڭ قۇنى - 5,15-5,30 ارالىعىندا.

23-ماۋسىم كەشكى ساۋدا قورىتىندىسى بويىنشا، رەسەي ۆاليۋتاسىنىڭ ورتاشا باعامى 5,31 تەڭگە بولعان.

ۇلتتىق بانكتىڭ 26-ماۋسىمداعى رەسمي باعامى - 1 رۋبل 5,32 تەڭگە.

ايتا كەتەيىك، دەمالىس كۇندەرى رەسەيدەگى جاعدايعا بايلانىستى قازاقستاننىڭ اقشا ايىرباستاۋ ورىندارىندا رەسەيلىك ۆاليۋتا باعامى تومەندەگەن بولاتىن.