مەملەكەت باسشىسى ەكولوگيا جانە تابيعي رەسۋرستار ءمينيسترىن قابىلدادى
پرەزيدەنتكە ەلىمىزدەگى ۆەگەتاتسيالىق كەزەڭ بارىسى جانە ورمان شارۋاشىلىعى مەن جانۋارلار الەمىنە قاتىستى ماسەلەلەر جونىندە مالىمەت بەرىلدى.
قاسىم-جومارت توقايەۆقا ورمان شارۋاشىلىعىن ماتەريالدىق-تەحنيكالىق تۇرعىدان جابدىقتاۋ، سونىڭ ىشىندە تەحنيكا ساتىپ الۋ جانە ىقتيمال ورمان ءورتىن الدىن الا انىقتاۋ جۇيەلەرىن ورناتۋ بويىنشا قابىلدانىپ جاتقان شارالار جونىندە باياندالدى.
ءزۇلفيا سۇلەيمەنوۆا مەملەكەت باسشىسىنا تابيعاتتى قورعاۋ جانە ورمان شارۋاشىلىعى مەكەمەلەرىنە قاجەتتى ورتكە قارسى قۇرال-جابدىقتار مەن تەحنيكالاردىڭ ءتىزىمىن كەڭەيتۋ ءۇشىن تيەسىلى نورمالاردى جاڭارتۋ جۇمىستارى باستالعانىن ايتتى.
بۇدان بولەك، ەكولوگيا جانە تابيعي رەسۋرستار ءمينيسترى نەگىزگى وزەن باسسەيندەرىندەگى، اسىرەسە، ەلىمىزدىڭ وڭتۇستىك ايماقتارىنداعى سۋ تاپشىلىعى جاعدايىندا ۆەگەتاتسيالىق كەزەڭنىڭ قالىپتى ءوتۋى ءۇشىن قابىلدانىپ جاتقان شارالار جونىندە مالىمەت بەردى.
كەزدەسۋ سوڭىندا پرەزيدەنت تابيعاتتى قورعاۋ بولىمشەلەرىنىڭ ماتەريالدىق-تەحنيكالىق بازاسىن كۇشەيتۋ ءىسىن كەشەندى تۇردە جۇزەگە اسىرۋ ماڭىزدى ەكەنىن اتاپ ءوتتى.
سونىمەن قاتار قاسىم- جومارت توقايەۆ تابيعاتتى قورعاۋ زاڭناماسىنىڭ بۇزىلۋ فاكتىلەرىن انىقتاپ، ولاردى جويۋ ءۇشىن قۇقىق قورعاۋ ورگاندارىمەن تىعىز قارىم-قاتىناستا جۇمىس ىستەۋ قاجەتتىگىنە نازار اۋداردى. سونداي-اق قاجەت جاعدايدا قۇقىق بۇزۋشىلاردى قىلمىستىق جاۋاپكەرشىلىككە تارتۋ كەرەك ەكەنىن اتاپ ءوتتى.
