قازاقستاندا جاڭا مەيرام پايدا بولۋى مۇمكىن

استانا. قازاقپارات - يندۋستريا جانە ينفراقۇرىلىمدىق دامۋ مينيسترلىگى 1- اقپاندى ازاماتتىق اۆياتسيا كۇنى دەپ بەلگىلەۋدى ۇسىندى، دەپ حابارلايدى قازاقپارات.

اشىق ۇكىمەت پورتالىندا «ق ر مەرەكەلىك كۇندەردىڭ تىزبەسىن بەكىتۋ تۋرالى» ۇكىمەتتىڭ 689№ قاۋلىسىنا وزگەرىس پەن تولىقتىرۋ ەنگىزۋ تۋرالى جاڭا قاۋلى جاريا تالقىعا شىعارىلدى.

«كورسەتىلگەن قاۋلىمەن بەكىتىلگەن قازاقستان رەسپۋبليكاسىنداعى مەرەكەلىك كۇندەردىڭ تىزبەسىندە: مىناداي مازمۇنداعى تارماقتارمەن تولىقتىرىلسىن: قازاقستان رەسپۋبليكاسىنىڭ ازاماتتىق اۆياتسيا كۇنى – 1- اقپان؛ كەڭەس اسكەرى شەكتەۋلى كونتينگەنتىنىڭ اۋعانستان دەموكراتيالىق رەسپۋبليكاسىنان شىعارىلعان كۇنى – 15- اقپان»، - دەپ جازىلعان قاۋلى جوباسىندا.

يندۋستريا مينيسترلىگىنىڭ مالىمەتىنشە، اتالعان باستامانى قازاقستان ازاماتتىق اۆياتسيا كاسىپورىندارىنىڭ بىرلەسكەن سوعىس جانە ەڭبەك ارداگەرلەر كەڭەسى ۇسىنعان.

جوبانى قابىلداۋ تەرىس الەۋمەتتىك-ەكونوميكالىق جانە قۇقىقتىق سالدارعا الىپ كەلمەيدى.