قازاقشا اۋديونى ماتىنگە اينالدىراتىن تەلەگرام-بوت جۇمىس ىستەي باستادى
بوتتىڭ ەرەكشەلىگى - وزىق تەحنولوگيالار نەگىزىندە سويلەۋدى تانىپ، ونى قاتەسىز جازىپ بەرەدى، دەپ حابارلايدى قازاقپارات.
جوبانى ءتۇرلى باعىتتا قولدانۋعا بولادى. ماتىندەردىڭ اۋديوسىن ەنگىزىپ، جازبا نۇسقاسىن شىعارىپ الا الاسىز.
قولدانبا - مەديا سالاسىنداعى كاسىبي ماماندارعا، جۋرناليستەرگە، ستۋدەنتتەرگە تاپسىرماس قۇرال.
قۇرالعا داۋىستىق جازبا، اۋديوماتەريال ەنگىزگەندە، جىلدام ءارى قاتەسىز ماتىنگە اينالدىرىپ بەرەدى.
جوبانى ازىرلەگەن باعدارلاماشىلار توبى ءاردايىم بوتتىڭ جۇمىس ىستەۋ قابىلەتىن ارتتىرۋ ءۇشىن تەحنيكالىق جەتىلدىرۋ جۇمىستارىن جۇرگىزىپ وتىرادى.
ءتۇرلى فورماتتاعى mp3 ،wav ،mp4 اۋديوماتەريالدارىن فايل تۇرىندە ەنگىزۋگە مۇمكىندىك بولادى.
جانە دە جۋىق ارادا جوبانىڭ ۆەب-نۇسقاسى دا شىعىپ قالادى. ياعني موبيلدى قۇرىلعى ارقىلى عانا ەمەس، ۆەب ينتەرفەيس ارقىلى دا جۇمىس ىستەي الادى.
جوبانىڭ ۆەب-نۇسقاسى اۋديوماتەريالداردى ماتىنگە اينالدىرۋدا وتە ىڭعايلى.
قولدانۋشىلار كولەمدى اۋديو ەنگىزىپ، اۋديولاردى قاجەتتى فورماعا اۋىستىرۋ ءۇشىن ينتوناتسيا وزگەرتۋ، جىلدامدىعىن تۇزەتۋ سىندى قوسىمشا وڭدەۋ جۇمىستارىن جاساي الادى.
بوتتى وسى سىلتەمەگە ءوتىپ، تەستىلەي الاسىز.
