ورتالىق ازيا مەن رەسەي قاۋىپسىزدىك كەڭەسى حاتشىلارى ءبىرىنشى رەت الماتىدا باس قوستى
پرەزيدەنت قاسىم-جومارت توقايەۆ جيىن قاتىسۋشىلارىنا ارناعان ءوزىنىڭ بەينەۇندەۋىندە ءبىزدىڭ ايماق ءۇشىن قازىرگى جاعدايدا تۇراقتىلىقتى ساقتاۋ جانە قاۋىپسىزدىكتى نىعايتۋ اسا ماڭىزدى مىندەت ەكەنىن اتاپ ءوتتى.
ول ءۇشىن ىقتيمال قاۋىپكە دۇرىس بولجام جاساۋ، الدىن الا ارەكەت ەتۋ شارالارى جانە جاڭا ءارى ساپالى ورتاق ادىستەردى جەدەل ازىرلەۋ ماڭىزدى.
جيىن بارىسىندا قازىرگى حالىقارالىق جاعدايدى جانە ايماقتاعى ەلدەردىڭ ۇلتتىق مۇددەلەرىن ەسكەرە وتىرىپ، ىنتىماقتاستىقتىڭ ناقتى سالالارى قاراستىرىلدى.
پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى عيزات نۇرداۋلەتوۆ اۋعانستانداعى احۋالدى تۇراقتاندىرۋعا اتسالىسۋ، كولىك جانە ازىق-تۇلىك قاۋىپسىزدىگىن قامتاماسىز ەتۋ جانە باسقا دا ءوزارا ءىس-ارەكەتتەردىڭ باسىم باعىتتارىن ۇسىندى.
كليماتتىڭ وزگەرۋى جاعدايىندا ورتاق ەكوجۇيەنى ساقتاۋ ءۇشىن سۋ قاۋىپسىزدىگى ماسەلەسىنە ەرەكشە نازار اۋدارىلدى.
سونداي-اق وسى كۇنى عيزات نۇرداۋلەتوۆ پەن رەسەي قاۋىپسىزدىك كەڭەسىنىڭ حاتشىسى نيكولاي پاترۋشيەۆتىڭ توراعالىعىمەن قازاقستان مەن رەسەي قاۋىپسىزدىك كەڭەسى اپپاراتتارىنىڭ اراسىندا جوسپارلى ەكىجاقتى كەڭەسۋ شاراسى ءوتتى.
وعان ءتيىستى مەملەكەتتىك ورگانداردىڭ باسشىلارى مەن قىزمەتكەرلەرى قاتىستى.
تاراپتار ورتالىق ازيادا تەرروريزم مەن ءدىني ەكسترەميزگە قارسى ءىس-قيمىل سالاسىنداعى ءىس-ارەكەتتەردى تالقىلاپ، قازىرگى گەوساياسي جاعدايعا باعا بەرىپ، پىكىر الماستى.
