حالىقتىڭ جان باسىنا شاققانداعى شىنايى تابىسى تومەندەپ بارادى
ءبىراق، جىلدىق ماندەگى ينفلياتسيا مەن ازىق-تۇلىك باعاسىنىڭ، قىزمەتتەر اقىسىنىڭ ارتۋىنا بايلانىستى تابىستىڭ ءوسىمىن قىمباتشىلىق ەسەلەپ جۇتىپ جاتىر.
سونىڭ سالدارىنان، حالىقتىڭ شىنايى تابىسى بىلتىرعى 1-توقسانمەن سالىستىرعاندا 5,2 پايىز تومەندەپ كەتكەن، دەپ حابارلايدى قازاقپارات ءتىلشىسى.
بۇل تۋرالى ۇلتتىق ەكونوميكا مينيسترلىگىنىڭ 2023 -جىلدىڭ 1-توقسانىنداعى الەۋمەتتىك- ەكونوميكالىق دامۋ قورىتىندىسىندا ايتىلعان.
«الدىن الا باعالاۋ بويىنشا، 2023 -جىلعى قاڭتار- مامىردا جالپى ىشكى ءونىمنىڭ ءوسۋى 2022 -جىلعى قاڭتار- مامىرعا قاراعاندا 4,5 پايىز بولدى. تاۋارلار ءوندىرىسى - 3,6 پايىز، كورسەتىلەتىن قىزمەتتەر ءوندىرىسى 4,9 پايىز ءوستى. 2023 -جىلعى مامىردا جىلدىق ماندەگى ينفلياتسيا 15,9 پايىزعا جەتتى. ازىق-تۇلىك تاۋارلارىنىڭ باعاسى - 16,5 پايىز، ازىق-تۇلىك ەمەس تاۋارلاردىڭ باعاسى 17,2 پايىز، اقىلى كورسەتىلەتىن قىزمەتتەردىڭ باعاسى 13,5 پايىز ارتتى. حالىقتىڭ جان باسىنا شاققانداعى اقشالاي كىرىستەرى 2023 -جىلعى ساۋىردە 167 مىڭ تەڭگە بولىپ، نومينالدى ماندە - 10,7 پايىز وسسە، ناقتى ماندە 5,2 پايىز تومەندەدى»، - دەلىنگەن مالىمەتتە.
سايكەسىنشە، ورتاشا ايلىق جالاقى 2023 -جىلعى ساۋىردە 347,6 مىڭ تەڭگە بولىپ، 2022 -جىلعى سايكەس كەزەڭمەن سالىستىرعاندا نومينالدى ماندە - 15,2 پايىز ارتىپ، ناقتى ماندە 1,4 پايىز تومەندەگەن. ال، جۇمىسسىزدىق دەڭگەيى 2023 -جىلعى I توقساندا 4,8 پايىز بولىپ وتىر.
