دجەيمس كەمەرون «تيتانيك» پەن «تيتان» باتيسكافىنىڭ اپاتىندا ۇقساستىق بارىن ايتتى
كەمەرون سۇڭگۋىر قايىقتار سالاسى ماماندارىنىڭ «تيتاندى» قۇراستىرعان OceanGate Expeditions كومپانياسىنا بىرنەشە رەت حات جازعانىن ايتادى.
مالىمدەۋىنشە، ولار سۋاستى اپپاراتىن سەرتيفيكاتتاۋ قاجەتتىگىن ەسكەرتكەن.
«مەن بۇل وقيعانىڭ «تيتانيك» اپاتىمەن ۇقساستىعىنا تاڭقالدىم. كەمە كاپيتانىنا دا باعىت العان جولىندا مۇزداردىڭ بارى بىرنەشە رەت ەسكەرتىلگەن، ال ول سوعان قاراماستان، ايسىز تۇندە تولىق جىلدامدىقپەن ءجۇزۋىن توقتاتپادى. اياعىندا كوپ ادام قايتىس بولدى. قازىر دە ەسكەرتۋلەر قۇلاققا ىلىنبەي، ءدال سول جەردە، سول وقيعاعا ۇقساس تراگەديا بولىپ وتىر»، - دەدى كەمەرون.
ەسكە سالساق، شاعىن سۇڭگۋىر قايىقپەن «تيتانيككە» اتتانعان 5 ادام جوعالىپ كەتكەن بولاتىن.
كۇنى كەشە ا ق ش جاعالاۋ كۇزەتى سولتۇستىك اتلانت مۇحيتىندا جوعالىپ كەتكەن «تيتان» سۇڭگۋىر قايىعىن ىزدەستىرۋ ايماعىنان الدەبىر ءجۇزۋ قۇرالىنىڭ جارىقشاقتارى مەن سىنىقتارى تابىلعانىن حابارلادى. بورتتا بولعان بەس ادام دا قازا تاپقان.
