قاسىم-جومارت توقايەۆ مەملەكەتتىك قىزمەتشىلەر مەن ءتارتىپ ساقشىلارىن كاسىبي مەرەكەلەرىمەن قۇتتىقتادى

None
استانا. قازاقپارات - پرەزيدەنت قاسىم-جومارت توقايەۆ مەملەكەتتىك قىزمەتشى كۇنىنە جانە پوليتسيا كۇنىنە وراي Twitter پاراقشاسىندا قۇتتىقتاۋ جاريالادى، دەپ حابارلايدى قازاقپارات.

«مەملەكەتتىك قىزمەتشىلەردى جانە ءتارتىپ ساقشىلارىن كاسىبي مەرەكەلەرىمەن قۇتتىقتايمىن! ادىلەتتى قازاقستاندى قۇرۋ ءۇشىن ءاربىر قىزمەتشىنىڭ وتانشىل، ادال بولۋى جانە ءوز ىسىنە جاۋاپكەرشىلىكپەن قاراۋى وتە ماڭىزدى. سىزدەر ەل يگىلىگىنە قىزمەت ەتۋدىڭ وزىق ۇلگىسىن كورسەتەسىزدەر دەپ سەنەمىن»، - دەپ جازدى پرەزيدەنت.

ايتا كەتەيىك، 2003 -جىلدىڭ ناۋرىزىندا ب ۇ ۇ باس اسسامبلەياسى 23-ماۋسىمدى مەملەكەتتىك قىزمەت كۇنى دەپ جاريالاعان قارار قابىلداعان ەدى. قازاقستان بۇل مەرەكەنى 10 جىلدان كەيىن بەكىتتى - 2013 -جىلى 23-ماۋسىم قازاقستاندا دا مەملەكەتتىك قىزمەتشىلەر كۇنى اتاندى. ال 2014 -جىلدان باستاپ بۇل كۇن كاسىبي مەرەكە رەتىندە تويلانا باستادى.

ال 2007 -جىلى 5-ماۋسىمدا «قازاقستان رەسپۋبليكاسى ىشكى ىستەر ورگاندارى تۋرالى» ق ر زاڭىنىڭ قابىلدانعانىنا 15 جىل تولۋىنا وراي، 23-ماۋسىم - پوليتسيا كۇنى بولىپ بەكىتىلدى.


سوڭعى جاڭالىقتار