قور نارىعىندا دوللار باعاسى شامالى كوتەرىلدى

الماتى. قازاقپارات - قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا، 1 دوللاردىڭ تەڭگەگە قاتىستى باعامى قىمباتتادى، دەپ حابارلايدى قازاقپارات ءتىلشىسى.

كۇندىزگى ساۋدا-ساتتىق مالىمەتىنە قاراعاندا، دوللار باعامى 0,09 تەڭگەگە قىمباتتاپ، 1 دوللار 447,62 تەڭگە بولدى.

ايتا كەتەيىك، ۇلتتىق بانكتىڭ 22-ماۋسىمداعى رەسمي باعامى - 1 دوللار ءۇشىن 447,40 تەڭگە بولدى.

Kurs.kz مالىمەتىنشە، الماتىداعى اقشا ايىرباستاۋ پۋنكتەرىندە دوللاردىڭ ساتۋ باعامى - 446,5 تەڭگە، ساتىپ الۋ - 449,5 تەڭگە.

ال، استانا قالاسى بويىنشا ساتۋ باعامى - 447 تەڭگەدەن بولسا، ساتىپ الۋ - 451

الماتىدا رەسەي رۋبلى 5,21 - 5,45 تەڭگە ارالىعىندا ساۋدالانىپ جاتىر.

استانادا كورشى ەل ۆاليۋتاسى 5,25 - 5,35 تەڭگەدەن ساتىلۋدا.