19:28, 21 - ماۋسىم 2023 | GMT +5
اۋىر سالماقتاعى چەمپيون ەڭ مىقتى قارسىلاسىن اتادى
استانا. قازاقپارات - اسا اۋىر سالماقتا WBC چەمپيونى بريتانيالىق تايسون فيۋري (33-0-1, 24 ك و) امەريكالىق دەونتەي ۋايلدەرمەن (43-2-1, 42 ك و) ءۇشىنشى جەكپە-جەك كارەراسىنداعى ەڭ اۋىر ايقاس بولعانىن مويىندادى، دەپ حابارلايدى DAZN.
«مەنىڭشە، بۇل ۋايلدەرمەن ءۇشىنشى جەكپە-جەك سياقتى. دەونتەيمەن بىزدە تريلوگيا بولدى، ءۇش تيتۋلدى ايقاس. سول ءۇشىنشى كەزدەسۋ مەنىڭ كارەرامداعى ەڭ اۋىر جەكپە-جەك بولعان شىعار. ول كەزدە ەكەۋمىز دە سوعىسۋعا شىقتىق. ءبىر-ءبىرىمىزدى جوق ەتۋگە شىقتىق. ول مەنى ەكى رەت ەسەڭگىرەتتى، مەن ونى ءۇش رەت قۇلاتتىم دا، 11-راۋندتا نوكاۋتپەن اياقتادىم. سۇمدىق ايقاس»، - دەيدى فيۋري.
