اقتاۋدا قازاقستان ۇكىمەت باسشىسى مەن گەرمانيا پرەزيدەنتى «ۋاقىت كاپسۋلاسىن» سالدى

None
Photo: primeminister.kz
اقتاۋ. قازاقپارات - قازاقستان پرەمەر-ءمينيسترى ءاليحان سمايىلوۆ پەن گەرمانيانىڭ فەدەرالدى پرەزيدەنتى فرانك-ۆالتەر شتاينمايەر اقتاۋداعى قازاق-نەمىس تۇراقتى ينجەنەريا ينستيتۋتى عيماراتىنىڭ قۇرىلىسى بارىسىندا «ۋاقىت كاپسۋلاسىن» سالۋ راسىمىنە قاتىستى، دەپ حابارلايدى قازاقپارات ۇكىمەت سايتىنا سىلتەمە جاساپ.

جاڭا ءبىلىم ورداسى مەملەكەت باسشىسى قاسىم-جومارت توقايەۆتىڭ رەسپۋبليكادا شەتەلدىك جەتەكشى جوعارى وقۋ ورىندارىنىڭ فيليالدارىن اشۋ جانە ونەركاسىپ ينجەنەرلەرىنىڭ جاڭا بۋىنىن قالىپتاستىرۋ جونىندەگى تاپسىرماسىن ورىنداۋ ماقساتىندا قۇرىلدى.

ول ش. ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ بازاسىندا جۇزەگە اسادى.

قازىرگى تاڭدا ماڭعىستاۋ وبلىسىندا ەنەرگەتيكا سالاسىندا ءبىرقاتار ءىرى جوبالار ىسكە اسىرىلىپ كەلەدى، سونىڭ ءبىرى - «جاسىل» سۋتەگىن وندىرەتىن زاۋىت.

photo

وسىعان وراي، جاڭا قازاق-نەمىس ينستيتۋتى ينجەنەريا سالاسىنداعى وزىق تاجىريبە نەگىزىندە جەرگىلىكتى جاستار مەن ەلىمىزدىڭ وزگە وڭىرلەرىنىڭ تۇرعىندارى اراسىندا سۇرانىسقا يە تەحنيكالىق مامانداردى دايىندايتىن بولادى.

باكالاۆرياتتىڭ العاشقى ستۋدەنتتەرىن وقىتۋ وسى جىلدىڭ قىركۇيەك ايىندا باستالادى.

photo

2029-جىلى ۋاقىت كاپسۋلاسىن اشۋ مارتەبەسى سولاردىڭ ەنشىسىنە بۇيىرادى، وندا ءاليحان سمايىلوۆ پەن فرانك- ۆالتەر شتاينمايەردىڭ جاڭا ۋنيۆەرسيتەتتىڭ العاشقى تۇلەكتەرىنە ارناپ ۇندەۋ حاتى ورنالاستىرىلدى.

2023-2024-جىلدارى دايىندىق ەكى باكالاۆريات باعدارلاماسى: گامبۋرگ تەحنيكالىق ۋنيۆەرسيتەتىنىڭ «ەنەرگەتيكا جانە ەكولوگيا ينجەنەرياسى» جانە ۆيلداۋ تەحنيكالىق ۋنيۆەرسيتەتىنىڭ «لوگيستيكاسى» بويىنشا جۇزەگە اسىرىلادى.

كەشەندى وقۋ باعدارلاماسى ش. ەسەنوۆ اتىنداعى ۋنيۆەرسيتەتتە ءۇش جىل جانە گەرمانياداعى سەرىكتەس ۋنيۆەرسيتەتتە ءبىر جارىم جىل وقۋ مەرزىمىن قامتيدى.

photo

وسىعان بايلانىستى جاڭا ج و و- دا نەمىس ءتىلىن ۇيرەنۋگە كوپ كوڭىل بولىنەدى.

ءبىلىم بەرۋ باعدارلاماسى بولاشاقتا ونەركاسىپتى اۆتوماتتاندىرۋ جانە روبوتوتەحنيكا، سۋ رەسۋرستارى مەن قالدىقتاردى باسقارۋ، جاڭارتىلاتىن ەنەرگيا كوزدەرىن ازىرلەۋ، تەحنولوگيالىق ينجينيرينگ، زاتتار ينتەرنەتى، دەرەكتەر عىلىمى جانە جاساندى ينتەللەكت سياقتى سالالارداعى 8 باكالاۆريات جانە 6 ماگيستراتۋرا باعدارلامالارىنا دەيىن كەڭەيتىلەدى.

photo

ينجەنەرلىك ماماندىقتار بويىنشا قازاقستاندىق ستۋدەنتتەر گەرمانيانىڭ جەتەكشى جوعارى وقۋ ورىندارىندا، سونىڭ ىشىندە ۆيلداۋ تەحنيكالىق ۋنيۆەرسيتەتىندە، گامبۋرگ تەحنيكالىق ۋنيۆەرسيتەتىندە، انحالت قولدانبالى عىلىمدار ۋنيۆەرسيتەتىندە، بەرلين تەحنيكالىق ۋنيۆەرسيتەتىندە، دارمشتادت تەحنيكالىق ۋنيۆەرسيتەتىندە جانە ت. ب. ءبىلىم الادى.

گەرمانيانىڭ فەدەرالدى پرەزيدەنتى فرانك-ۆالتەر شتاينمايەر ءوز سوزىندە جوعارى بىلىكتى ينجەنەرلەردى دايارلاۋ قازاقستاندىق جانە نەمىس كومپانيالارى ءۇشىن دە ءتيىمدى ەكەنىن اتاپ ءوتتى.

photo

«بۇگىندە ەكى ەلدە دە بىلىكتى ماماندارعا سۇرانىس جوعارى. مەن وسى ينستيتۋت پەن ونىڭ تۇلەكتەرىنىڭ بولاشاعى جارقىن بولاتىنىنا سەنىمدىمىن. بۇل - ءبىلىم سالاسىنداعى وتە ماڭىزدى جوبا. ەكى ەل اراسىنداعى وسى سالاداعى جانە عىلىمي زەرتتەۋلەر سالاسىنداعى ىنتىماقتاستىق ودان ءارى دامي بەرمەك. وسى جىلدىڭ قىركۇيەك ايىندا وقۋدىڭ ءساتتى باستالۋىنا تىلەكتەسپىن»، — دەدى فرانك-ۆالتەر شتاينمايەر.

photo

ءوز سوزىندە ق ر پرەمەر-ءمينيسترى كوپ جىلدار بويى قازاقستان مەن گەرمانيانى ءوزارا ءتيىمدى ستراتەگيالىق سەرىكتەستىك بايلانىستىرىپ كەلە جاتقانىن، ونىڭ ماڭىزدى بولىگى، جوعارى ءبىلىم مەن عىلىم سالاسى ەكەنىن اتاپ ءوتتى.

قازىرگى ۋاقىتتا ەكى ەلدىڭ ۋنيۆەرسيتەتتەرى اراسىندا 178 كەلىسىم جاسالىپ، وننان استام قوس ديپلومدىق باعدارلامالار جۇزەگە اسىرىلۋدا.

وسىعان بايلانىستى قازاق-نەمىس تۇراقتى ينجەنەريا ينستيتۋتىن قۇرۋ دا وتە وزەكتى بولىپ وتىر.

«ينستيتۋت سۇرانىسقا يە كادرلاردى دايارلاۋعا، عىلىمي زەرتتەۋلەرگە جانە جاڭا تەحنولوگيالاردى دامىتۋعا، سونىڭ ىشىندە «جاسىل» سۋتەگى ءوندىرىسى سالاسىنا ءوز ۇلەسىن قوساتىن بولادى»، — دەدى ءاليحان سمايىلوۆ.

ول «جاسىل» ەكونوميكانى دامىتۋ تابيعي رەسۋرستاردى ساقتاۋعا جانە تۇراقتى دامۋدى قامتاماسىز ەتۋگە باعىتتالعان الەمدەگى نەگىزگى ترەندتەردىڭ ءبىرى ەكەنىن ايتتى.

اتاپ ايتقاندا، ساراپشىلاردىڭ پىكىرىنشە، الداعى جىلدارى سۋتەگىگە الەمدىك سۇرانىس مەتالل وڭدەۋ، حيميا ءوندىرىسى جانە كولىك تاسىمالى سياقتى كوپتەگەن سالالاردا ايتارلىقتاي ارتادى.

photo

«ءبىز الەمدىك ۇردىستەردەن قالىسپاي، «تازا» تەحنولوگيالاردى ەنگىزۋگە ۇمتىلامىز. ماڭعىستاۋ وبلىسىنداعى «جاسىل» ەكونوميكا ءوڭىردىڭ مۇناي-گاز سالاسىنا تاۋەلدىلىگىن ازايتىپ، جاڭا جۇمىس ورىندارىنىڭ اشىلۋىنا جانە حالىقتىڭ ءومىر ءسۇرۋ ساپاسىن ارتتىرۋعا مۇمكىندىك بەرەدى. ينستيتۋت بۇعان ءوز ۇلەسىن قوسىپ، ەلىمىزدىڭ باتىسىنداعى عانا ەمەس، بۇكىل ورتالىق ازياداعى جەتەكشى ءبىلىم وردالارىنىڭ بىرىنە اينالادى دەپ سەنەمىن»، — دەپ اتاپ ءوتتى ءاليحان سمايىلوۆ.

ءىس-شاراعا قر عىلىم جانە جوعارى ءبىلىم ءمينيسترى ساياسات نۇربەك، ماڭعىستاۋ وبلىسىنىڭ اكىمى نۇرلان نوعايەۆ، قازاقستان-نەمىس ۋنيۆەرسيتەتىنىڭ پرەزيدەنتى ۆولراد روممەل، ەسەنوۆ اتىنداعى ۋنيۆەرسيتەتتىڭ پرەزيدەنتى بەرىك احمەتوۆ قاتىستى.

سوڭعى جاڭالىقتار