استانا ماڭىنداعى ءورتتى تولىق سوندىرۋگە ەكى اپتا كەرەك - مينيستر

استانا. قازاقپارات - توتەنشە جاعدايلار ءمينيسترى سىرىم ءشارىپحانوۆ استانا ماڭىنداعى قۇرعاق ءشوپ ءورتى قاشان تولىقتاي سوندىرىلەتىنىن ايتتى، دەپ حابارلايدى قازاقپارات ءتىلشىسى.

«جاعداي تۇراقتى، كەشە ساعات 21.00-دە ءورت اۋماعى وقشاۋلانعانىن حابارلادىق. بۇل جەردە ءبىراز جىلدان بەرى جينالعان قۇرعاق قامىس ورتەندى. جەل ەكپىنى كۇشەيگەن كەزدە بىقسىعان قالىڭ ءشوپ قايتا ورتەنۋى مۇمكىن»، - دەدى س. ءشارىپحانوۆ ماجىلىستە تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، ءورتتى تولىقتاي وشىرۋگە شامامەن ءبىر اپتادان اسا ۋاقىت كەرەك.

«بۇعان ءبىر- ەكى اپتا ۋاقىت كەرەك بولادى. مۇنىڭ بارلىعى اتالعان فاكتورلارعا بايلانىستى. ارينە، ءورت سوندىرۋشىلەر جۇمىسى مەن جاڭبىر ءورتتى تولىقتاي وشىرۋگە ەلەۋلى ىقپال ەتەرى انىق»، - دەدى مينيستر.

ايتا كەتەيىك، بۇگىن تاڭەرتەڭ ەلوردا ماڭىنداعى ءورتتى ءسوندىرۋ جالعاسىپ جاتقانى حابارلاندى.

19-ماۋسىم كۇنى استانا ماڭىنداعى قۇرعاق ءشوپ ءورتى 80 گەكتار اۋماققا جەتكەنى جانە وقشاۋلانعانى ءمالىم بولدى.