بومبا تۋرالى حابارلاعان الماتىلىققا جازا ءتونىپ تۇر

None
استانا. قازاقپارات - 52 جاستاعى جولاۋشى بومبا تۋرالى حابارلامادان كەيىن جازالانۋى مۇمكىن، - دەپ حابارلايدى Massaget.kz ءتىلشىسى.

102 گە جەلىلىك پوليتسيا ءبولىمىنىڭ كەزەكشىسىنەن اقپارات تۇسكەننەن كەيىن وقيعا ورنىنا العاشقى كۇشتەر جىبەرىلگەن.

«قوڭىراۋدىڭ سەبەبى رەيسكە جىبەرىلمەۋ بولدى. جەدەل جۇمىس بارىسىندا وڭتۇستىك استانادان كەلگەن قوناق Fly Arystan اۋەكومپانياسىنىڭ قاراعاندى - الماتى باعىتى بويىنشا رەيسىنە كەشىككەنىنە كەك الىپ، ازىلدەگىسى كەلگەنىن مويىندادى. ەندى وعان قىلمىستىق كودەكستىڭ 273-بابى، 1-بولىگى بويىنشا قىلمىستىق جاۋاپكەرشىلىك ءتونىپ تۇر»، - دەلىنگەن حابارلامادا.

ەگەر ايەلدىڭ ارەكەتتەرى ايتىلعان باپ بويىنشا سارالانسا، وندا وعان 5000 ا ە ك- كە دەيىنگى مولشەردە ايىپپۇل نەمەسە سول مولشەردە تۇزەۋ جۇمىستارى نە 5 جىلعا دەيىنگى مەرزىمگە باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋ قاۋپى تونەدى.

ال بورت جوسپارلانعان تۇردە مەجەلى جەرگە ۇشىپ كەتكەن، ايەل پوليتسيا بولىمىنە جەتكىزىلگەن.

سوڭعى جاڭالىقتار