ۇلى بريتانيادا قاتەرلى ىسىكتى بىرنەشە مينۋتتا انىقتايتىن ءادىس تابىلدى
بۇل ءىس- تاجىريبە ەڭ الدىمەن، ىشەك، وڭەش، اسقازان جانە ۇيقى بەزىندەگى قاتەرلى ىسىكتى انىقتاۋعا ارنالعان. لوندون يمپەريالىق كوللەدجىنىڭ عالىمدار توبى بىرنەشە جىل بويى جۇزدەگەن ادامنىڭ قاتىسۋىمەن كلينيكالىق سىناقتار وتكىزدى. اسپاپتارىنىڭ ىشكى بولىگىندەگى ماتەريال ادام اۋزىنان شىعاتىن بۋ مەن گازدى قالقىپ الادى. وسىدان كەيىن وعان زەرتحانالىق ساراپتاما جاسالادى.
دجوردج حاننا، زەرتتەۋ جەتەكشىسى:
- دەم شىعارعاندا ىشەك جانە اسقازاندا قاتەرلى ىسىگى بار ناۋقاستارعا ءتان زاتتار انىقتالادى. زياندى جاسۋشالاردان ورگانيكالىق سۇيىقتىق بولىنەدى، بۇل دارىگەرلەرگە دياگنوز قويۋعا كومەكتەسەدى.
قازىر اسقازان مەن ىشەكتەگى قاتەرلى ىسىكتى انىقتايىن نەگىزگى ءادىس - گاستروسكوپيا. گاستروسكوپتى اۋىز ارقىلى اسقازانعا وتكىزەدى. نەگىزى بۇل ادامعا ىڭعايسىز ءارى قىمبات ءتاسىل.
دجوردج حاننا، زەرتتەۋ جەتەكشىسى:
- بارلىق ناۋقاستى گاستروسكوپياعا جىبەرسەك ۇزىن- سونار كەزەك قالىپتاسادى. ال ۋاقىت سوزىلعان سايىن ىسىك ۇلكەيۋى مۇمكىن. مۇنىڭ ورنىنا ءوز سىنامامىزدى ەنگىزۋدى ۇسىنىپ وتىرمىز. الەمدە ىشەك جانە اسقازانداعى قاتەرلى ىسىكتەن ءولىم- ءجىتىم كورسەتكىشى - %15. ال جاڭا ءادىس مىڭداعان جاننىڭ ءومىرىن ساقتاي الادى.
سونداي- اق بريتانيالىق عالىمدار راكتىڭ وزگە تۇرلەرىن انىقتايتىن ءتاسىل ىزدەۋگە كىرىسىپ كەتتى.
اۆتورى: بەكبولات تۇرماحانوۆ
www.24.kz
