ۇلتتىق بانك ەكىنشى جارتىجىلدىقتا بازالىق مولشەرلەمەنى تومەندەتۋ مۇمكىندىگىن قاراستىرادى

None
استانا. قازاقپارات - ەلىمىزدەگى اقشا- كرەديت ساياساتى ينفلياتسيانىڭ ودان ءارى باياۋلاۋىنا ىقپال ەتەدى. بۇل تۋرالى سەناتتىڭ جالپى وتىرىسىندا ۇلتتىق بانك ءتوراعاسى عالىمجان ءپىرماتوۆ ايتتى، دەپ حابارلايدى قازاقپارات ءتىلشىسى.

«2023 -جىلدىڭ مامىر ايىندا جىلدىق ينفلياتسيا ءبىزدىڭ بولجاۋىمىزعا سايكەس ناۋرىز ايىندا باستالعان تومەندەۋ ءۇردىسىن جالعاستىرىپ، %15,9 دى قۇرادى. ازىق- تۇلىك ينفلياتسياسى %16,5 عا، ازىق- تۇلىككە جاتپايتىن تاۋارلار ينفلياتسياسى%17,2 عا، سەرۆيستىك ينفلياتسيا %13,5 عا دەيىن باياۋلادى. الەمدەگى ازىق- تۇلىك باعاسىنىڭ تومەندەۋىنەن جانە قازاقستاننىڭ ساۋدا- سەرىكتەس ەلدەرىندە ينفلياتسيانىڭ ايتارلىقتاي باياۋلاۋى اسەرىنەن سىرتقى سەكتوردىڭ باعالارعا قىسىم كورسەتۋى ءبىرشاما السىرەدى»، - ع. ءپىرماتوۆ.

ونىڭ ايتۋىنشا، جۇرگىزىلىپ وتىرعان اقشا- كرەديت ساياساتى ەلدەگى ينفلياتسيانىڭ ودان ءارى باياۋلاۋىنا ىقپال ەتەدى.

«ءبىزدىڭ جاڭارتىلعان بولجامدارىمىز بويىنشا، 2023 -جىلى جىلدىق ينفلياتسيا%11-14 شەگىندە قالىپتاسىپ، 2024-2025 -جىلدارى ودان ءارى باياۋلايدى. رەتتەلەتىن قىزمەتتەرگە تاريفتەردىڭ ۇلعايۋىنا قاراي جانە جانار- جاعارمايدىڭ قىمباتتاۋى باعا دەڭگەيىنە تىكەلەي ءارى جاناما اسەر ەتۋىنە بايلانىستى ينفلياتسيا بويىنشا بولجام ءوسۋ جاعىنا قايتا قارالدى. ۇلتتىق بانك ەكىنشى جارتىجىلدىقتا بازالىق مولشەرلەمەنى ءبىرقالىپتى جانە بايىپپەن تومەندەتۋ مۇمكىندىگىن قاراستىرادى»، - دەدى ۇ ب باسشىسى.

سوڭعى جاڭالىقتار