قونايەۆتاعى كازينولار قانشا سالىق تولەپ جاتىر

استانا. قازاقپارات - قونايەۆ قالاسىنداعى جۇمىس ىستەپ تۇرعان كازينولار باسقا جاققا كوشىرىلمەيدى. بۇل تۋرالى الماتى وبلىسىنىڭ اكىمى مارات سۇلتانعازيەۆ ءمالىم ەتتى، دەپ حابارلايدى قازاقپارات ءتىلشىسى.

«ويىن سۋبەكتىلەرى قونايەۆ جانە اقمولا وبلىسىنداعى شۋچينسك قالاسىندا ورنالاسقان. كازينولار بۇگىندە جۇمىس ىستەپ تۇر، ولاردى كوشىرۋ جوسپاردا جوق. ويىنقۇمارلىق دەپ جاتىرسىز، ول تەك قازاقستاندا ەمەس الەمدە بار. وعان ءموبيلدى تەلەفون ارقىلى ونلاين قۇمارتۋى دا مۇمكىن. ءبىز جۇمىس ىستەپ تۇرعان كازينولارعا تالاپ قويىپ جاتىرمىز، ياعني كازينو رەتىندە عانا ەمەس ويىن- ساۋىق ورتالىعى رەتىندە قايتا قۇرۋ. بۇل شەتەلدە بار تاجىريبە ياعني كازينو ءوز الدىنا جۇمىس ىستەيدى، ودان بولەك كينوتەاتر، اكۆاپارك، ساۋدا ورتالىعىن ۇيىمداستىرۋعا بولادى»، - دەدى مارات سۇلتانعازييەۆ ورتالىق كوممۋنيكاتسيالار قىزمەتىنىڭ كوشپەلى باسپا ءسوز ءماسليحاتىندا.

ءوڭىر باسشىسىنىڭ ايتۋىنشا، قونايەۆتاعى كازينولاردى كوشىرۋ جوسپاردا جوق.

«جالپى ويىن- ساۋىق سالاسىندا 3,5 مىڭ ادام ەڭبەكتەنىپ جاتىر جانە توڭىرەگىندە تاعى 3 مىڭ ادام جۇمىس ىستەپ جاتىر. شامامەن 7 مىڭداي ادام جۇمىسپەن قامتىلعان. وبلىستا 61 مىڭ تۇرعىن بار دەسەك، سولاردىڭ 10/1 اتالعان سالادا ءجۇر. كازينولار جىل سايىن جەرگىلىكتى بيۋدجەتكە 80-90 ميلليارد تەڭگە ارالىعىندا سالىق تولەپ وتىر. بۇل ۇلكەن قاراجات»، - دەيدى ول.