وتباسى بانك باسشىسى باسپانا قاشان ارزاندايتىنىن ايتتى

None
استانا. قازاقپارات - «وتباسى بانك» ا ق باسقارما ءتوراعاسى ءلاززات يبراگيموۆا ەلىمىزدەگى باسپانا نارىعىنداعى جاعدايعا پىكىر ءبىلدىردى، دەپ حابارلايدى قازاقپارات ءتىلشىسى.

ونىڭ پىكىرىنشە، قازىر باسپانا نارىعى ءبىرشاما تۇرالاپ قالدى. بۇل تۇرعىدا تۇرعىن ءۇي ساۋداسىنا قاتىستى كەلىسىمشارتتار سانى 2020 -جىلعى دەڭگەيگە دەيىن تومەندەگەن.

«مەنىڭ ويىمشا، 8-9 ايدان كەيىن ءۇي ساتىپ الۋعا، ياعني باسپانا ساتىپ الاتىندارعا وتە جاقسى كەزەڭ بولادى. ويتكەنى قۇرىلىس كومپانيالارى دا، قايتالاما تۇرعىن ءۇي نارىعىندا دا جەڭىلدىكتەر ۇسىنىلادى»، - دەدى ءلاززات يبراگيموۆا ماجىلىستە تىلشىلەر سۇراعىنا جاۋاپ بەرە وتىرىپ.

ونىڭ ايتۋىنشا، شامامەن ءبىر نەمەسە ءبىر جارىم جىلدان كەيىن سۇرانىس بۇرىنعى قالپىنا كەلەدى. بۇل حالىقتىڭ تابيعي وسىمىمەن بايلانىستى بولادى. جىل سايىن 450 مىڭنان استام بالا دۇنيەگە كەلەدى، سونىمەن قاتار جاڭادان نەكەلەر قيىلادى.

اۆتور:

رۋسلان عابباسوۆ

سوڭعى جاڭالىقتار