دونالد ترامپ قۇپيا ماتەريالدارعا قاتىستى تاعىلعان ايىپتى مويىندامادى

None
ۆاشينگتون. قازاقپارات - دونالد ترامپ مايامي فەدەرالدى سوتىندا وتكەن تاريحي وتىرىس بارىسىندا قۇپيا ماتەريالداردى ساقتاعانى ءۇشىن كىناسىن مويىندامادى، دەپ حابارلايدى قازاقپارات BBC News-كە سىلتەمە جاساپ.

ترامپ فەدەرالدى قىلمىستىق جاۋاپكەرشىلىككە تارتىلعان ا ق ش- تىڭ العاشقى پرەزيدەنتى.

اق ءۇيدىڭ بۇرىنعى باسشىسى بيىلعى جىلى وتكەن ەكىنشى سوت وتىرىسىندا ءۇنسىز وتىردى. وتىرىس بارىسىندا ترامپتىڭ ادۆوكاتى تودد بلانش قۇپيا قۇجاتتاردى زاڭسىز ساقتاعانى جانە ۇكىمەتتىڭ ولاردى الۋعا باعىتتالعان ءىس-ارەكەتتەرىنە كەدەرگى كەلتىرگەنى ءۇشىن تاعىلعان 37-ايىپ بويىنشا قورعالۋشىسىنىڭ كىناسىزدىگىن مالىمدەدى.

76 جاستاعى بۇرىنعى پرەزيدەنتكە سوت زالىنان ىشكى نەمەسە حالىقارالىق ساپارلارعا شەكتەۋسىز، سونداي-اق كەپىلسىز شىعۋعا رۇقسات ەتىلدى. پروكۋرورلار سوتتالۋشى قاشۋعا بەيىم ەمەس دەپ ەسەپتەدى. ا ق ش- تىڭ بۇرىنعى پرەزيدەنتىنىڭ جاقتاستارى ترامپقا تاعىلعان ايىپتاردىڭ ساياسي استارى بارىنا جانە ونى باستى قارسىلاسى ۇيىمداستىرىپ وتىرعانىنا سەنىمدى.


سوڭعى جاڭالىقتار