قازاقستاندىق وقۋشىلار ا ق ش- تا وتكەن روبوتوتەحنيكا چەمپيوناتىندا جۇلدەگەر اتاندى
وقۋ-اعارتۋ مينيسترلىگى باسپا ءسوز قىزمەتىنىڭ مالىمەتىنشە، چەمپيوناتقا الەمنىڭ 20 ەلىنەن 700 دەن استام وقۋشى قاتىسقان. شىمكەنتتىك «Clutch» توبى Innovation Project Award نوميناتسياسىندا ۇزدىك ۇشتىككە ەنىپ، قولا جۇلدەگە يە بولدى. ولار جەل گەنەراتورى مەن كۇن پانەلدەرىنەن الىناتىن ەلەكتر ەنەرگيانى ساقتاۋعا مۇمكىندىك بەرەتىن يننوۆاتسيالىق جوبا ۇسىنعان بولاتىن. جەل ەلەكتر ستانتسياسىن دايىنداعان قاراعاندىلىق «JelToqSun» كومانداسى ەل تاريحىندا العاش رەت جارىستىڭ Champions Award باستى جۇلدەسىنىڭ 3-ورنىنا قول جەتكىزدى.
«ءبىز چەمپيوناتقا جارتى جىلدان استام ۋاقىت دايىندالدىق. ءۇش كۇندىك جارىس ءبىز ءۇشىن وتە قىزىقتى بولدى، ويتكەنى مىقتى قارسىلاستار كەلدى. العاشىندا قوبالجىعانمەن ىشكى قورقىنىشتى جەڭىپ، ءوز قابىلەتىمىزدى كورسەتە الدىق. ءبىز روبوتتار ويىنىندا كوشباسشىلار قاتارىندا بولدىق. يننوۆاتسيالىق جوبانى تانىستىرىپ، ءوزىمىزدىڭ ۇيىمشىلدىعىمىزدى كورسەتە بىلدىك»، - دەيدى قاتىسۋشىلاردىڭ ءبىرى اكبار ەرمەكوۆ.
جارىس اراسىندا قازاقستاندىق وقۋشىلار MIT، Boston University جانە Harvard سەكىلدى بەدەلدى وقۋ ورىندارىنىڭ ينجەنەرلىك فاكۋلتەتتەرىنە بارىپ، پروفەسسورلارمەن جەكە تانىستى. ولاردىڭ پىكىرىن تىڭداپ، ءوز تاجىريبەلەرىنە قاجەت كەڭەس الدى.
ەستەرىڭىزگە سالا كەتەيىك، ەكى كوماندا دا وقۋ-اعارتۋ مينيسترلىگىنىڭ قولداۋىمەن جىل باسىندا USTEM Robotics قوعامدىق قورى ۇيىمداستىرعان FIRST Central Asia ورتالىق ازيا ويىندارىندا حالىقارالىق چەمپيوناتقا جولداما العان بولاتىن.
