الەمدەگى ەڭ ءادىل سوت

None
استانا. قازاقپارات – ا ق ش- تا ءىرى ساۋدا دۇكەنىنەن نان ۇرلاپ، قاشىپ كەتپەك بولعان 14 جاسار بالانى تۇتقىنداپ، جاۋاپكەرشىلىككە تارتادى.

شەشىم قابىلداماس بۇرىن سۋديا بالانىڭ سوزدەرىن تىڭداعىسى كەلەدى.

سۋديا: نەگە ۇرلادىڭ؟

بالا: كەرەك بولدى.

سۋديا: ۇرلاماي- اق، ساتىپ الۋعا بولماس پا ەدى؟

بالا: ساتىپ الۋعا اقشام بولمادى.

سۋديا: اتا- اناڭنان المادىڭ با؟

بالا: ۇيدە تەك انام عانا بار، ول دا ناۋقاس، ءارى جۇمىسسىز. سوندىقتان نانمەن قوسا ىرىمشىك تە ۇرلادىم.. .

سۋديا: سەن جاسسىڭ عوي، قالاي جۇمىس ىستەيسىڭ؟

بالا: مەن كولىك جۋاتىن ورىندا جۇمىس ىستەگەنمىن. ناۋقاس انامدى قامقورلىعىما الۋىما رۇقسات بەرىلگەننەن كەيىن، ولارعا كەرەگىم بولماي قالدى.. .

سۋديا: وزگەلەردەن كومەك سۇراپ كوردىڭ بە؟

بالا: ءار كۇنى كەمى ەلۋ مەكەن- جايعا كىرىپ، كەز- كەلگەن ەڭ از ەڭبەك اقىعا جۇمىس سۇرايمىن، ناتيجە از... اقىرى ۇرلىق جاساۋعا بەل بۋدىم...

بالامەن سۇقباتتاسىپ بولعان سوڭ، سوت مىناداي شەشىم شىعاردى:

«ۇرلىق، اسىرەسە نان ۇرلىعى - وتە ۇياتتى قىلمىس... سەبەبى بۇل ىسكە بارلىعىمىز كىنالىمىز. زالدا وتىرعان سىزدەر جانە مەن دە... وسى سوتقا قاتىسۋشىلاردىڭ بارلىعى 10 دوللاردان تولەۋگە جازا كەسەمىن، سول ورىندالعانشا بۇل زالدان ەشكىم شىقپايدى.

اش بالانى پوليتسياعا تاپسىرعان ساۋدا ءۇيىنىڭ يەسى دە 1000 دوللار ايىپپۇل تولەسىن».

ۇكىمدى ەستىگەن بالا كوز جاسىن تيا المادى، سوت ەكىنشى ۇكىمدى وقىعاندا بالا ءتىپتى، تولقىپ كەتتى.

جانارىنداعى جاستى جاسىرۋعا تىرىسقان سوت تا سوڭعى ۇكىمىن وقىدى: ەگەر ادامدى نان ۇرلىعى ۇستىندە ۇستاپ الساڭىز، وندا سول قوعام ۇياتتان ورتەنۋ كەرەك...

اۋدارعان: ادەماۋ تولىسبايەۆا



سوڭعى جاڭالىقتار