21:47, 11 - ماۋسىم 2023 | GMT +5
بۋرابايدا قۇيىن قايىقتاردى ۇشىردى
كوكشەتاۋ. قازاقپارات - بۋرابايدا قۇيىن جەل سۋدا تۇرعان قايىقتاردى ۇشىرىپ، اۋدارىپ تاستادى. بۇل تۋرالى الەۋمەتتىك جەلىدە ۆيدەو تارادى، دەپ حابارلايدى قازاقپارات ءتىلشىسى.
جەلى قولدانۋشىلار تاراتقان ۆيدەونىڭ بۋراباي كولىندە وقجەتپەس تاۋىنىڭ تۇسىندا تۇسىرىلگەنىن كورۋگە بولادى.
اياق استىنان پايدا بولعان قۇيىن جاعادا قاڭتارىلىپ تۇرعان جەڭىل قايىقتاردىڭ ءبىرازىن سۋدىڭ بەتىنەن كوتەرىپ ۇشىردى.
ۆيدەونىڭ استىنا پىكىر قالدىرعان دەمالۋشىلاردىڭ سوزىنشە، جاپا شەككەندەر جوق. الايدا، مۇنداي قۇيىن بۋراباي كۋرورتىندا جازدىڭ ىستىق كۇندەرى ءجيى بايقالىپ تۇرادى.
ايتا كەتسەك، بۇدان بۇرىن بۋرابايدا جاڭا كۋرورت ايماعى اشىلاتىنىن جازعان ەدىك.
Посмотреть эту публикацию в Instagram
