مەملەكەت باسشىسى قازا تاپقان ورمانشىلاردىڭ جاقىندارىمەن كەزدەسىپ، كوڭىل ايتتى

None
سەمەي. قازاقپارات - مەملەكەت باسشىسى قازا تاپقان ورمان شارۋاشىلىعى قىزمەتكەرلەرىنىڭ وتباسىنا كوڭىل ايتتى.

پرەزيدەنت قاسىم- جومارت توقايەۆ «سەمەي ورمانى» تابيعي رەزەرۆاتىنداعى الاپات ءورت سالدارىنان قازا تاپقان ورمان شارۋاشىلىعى قىزمەتكەرلەرىنىڭ وتباسى مۇشەلەرى مەن جاقىن تۋىستارىنا كوڭىل ايتتى، دەپ حابارلايدى قازاقپارات.

- كوڭىل ايتۋعا ارنايى كەلىپ وتىرمىن. بۇل - بۇكىل حالقىمىز ءۇشىن ۇلكەن قاسىرەت. ەلىمىزدىڭ قايعىسى. بەكەم بولىڭىزدار. ورنى تولماس قايعى ەكەنىن تۇسىنەمىن. سىزدەرگە جان- جاقتى كومەك كورسەتۋ جونىندە ۇكىمەتكە تاپسىرما بەردىم. ۇكىمەتكە نەمەسە ماعان جەكە وتىنىشتەرىڭىز بولسا، ايتىڭىزدار. بارلىق ءوتىنىشتى ورىندايمىز. قازا تاپقان ازاماتتار قايتىپ كەلمەيدى. ءبىراق ءومىر جالعاسادى. وسى قايعىلى جاعدايعا كىنالىلەردىڭ ءبارى زاڭ بويىنشا جاۋاپقا تارتىلادى. دۇيسەنبى كۇنىن ەلىمىز بويىنشا جالپى ۇلتتىق ازا تۇتۋ كۇنى دەپ جاريالادىم. ءبىز قازا تاپقان ازاماتتاردى ەسكە الامىز. سابىر ساقتاپ، بەكەم بولىڭىزدار. قۇقىق قورعاۋ ورگاندارى مەن مينيسترلىكتەر تاراپىنان بولسىن، بارلىق سالا بويىنشا ءتيىستى شارالار قابىلدانادى. قازىر كەڭەس وتكىزەمىن. بۇل جاعدايدان مىندەتتى تۇردە ءتيىستى قورىتىندى شىعارامىز، - دەدى مەملەكەت باسشىسى.

سوڭعى جاڭالىقتار